رسالة الى الشاعر غالب ابو كتيفه

ابيات موجهه الى الشاعر المبدع دوما غالب ابو كتيفه
يقال ان المساجلات تنشط الذاكره الشعريه

.



نادت لخوها وهمست له وقالت=عانه يكلمني وانا مازهمته
وجاني يهددني وانا عنه ساكت=وغفلت عن نفسي وقمت ولعنته
وتجمعت كل الخلايق وحالت=بيني وبينه مير صدفه رحمته
ثم انزلت يوم الطلايب تعالت=قالت ياويلي يمكن اني ظلمته
يوم ارحلو والناس صوبي تهافت= الكل منهم يسال انته عرفته
وجاني فهد قال احمد الله هانت= انا احسب انك بالغشامه صدمته
وشفت النجوم الظهر فوقي تهاوت=ومن القهر حتى قزازي كسرته
يابو كتيفه ضيقت الصدر حانت=في ماقفي والناس بالحال شمته
مدري وش اسباب الهواجيس زادت=والهم من بين الحنايا كتمته
ومن الفراق العين بالدمع جاشت=مير احسم الموضوع والا حسمته
شاعر وناقد والعرب عنك قالت=قمة جبل يشفيك لامن زبنته
مافي يدي حيله ولاني بساكت=والذهن من سبة غلاها شغلته
اما يرد العلم والا تساوت=موت وحياه ولاش شيٍ كسبته

تحياتــــــي

صح السانك



يالوافي



وعزالله سندت على جبل



ننتظر رد العلم / غالب ابوكتيفه

صح بدنك يامحمد ومشكور على مرورك

وجاني يهددني وانا عنه ساكت
وغفلت عن نفسي وقمت ولعنته

امسك اعصابك ثاني مره

هههههههههههههههههه


صح للساااااااااااااانك

وبيض الله وجهــك

وكلنا متلهفين للرد


تقبل تحيتي

ولا يهمك ياسهيل مشكور يابو مقحم

..
.
صح السانك


يامحمد...

ننتظر رد / غالب ابوكتيفه

صح بدنك يامرزوق