مصلح بن عياد وحبيب العازمي

حبيب العازمي=
الله الله نذكر الله وأله ننطق بالشهاده=ونّتولم ونّتحزم للعدا ياليل هيا
المعاني من لساني تصدم الشعار عاده=فالظهور وفالنحور المبتدا ياليل هيا
مصلح بن عياد=
الله الله نذكر الله في سمها وفي بلاده=ونّتعلم ونّتقدم للهدا ياليل هيا
يا عميلي يا وكيلي حاد عنك العم حاده=لا تياسر للمخاطر والردا ياليل هيا
حبيب العازمي=
أنت مصلح وألك مشلح وألك سجاده وساده=كون طيّب مع حبيّب قل فدا ياليل هيا
عام الأول يوم حوّل طير شلوى عن شداده=الدليله كل ليله ما غدا ياليل هيا
مصلح بن عياد=
المسابح والمشالح دونها قاضي وساده=يا منادي فالمبادي للغدا ياليل هيا
يوم صفقات الهبايب والطلايب والنكاده=والغنايم والعزايم والفدا ياليل هيا
حبيب العازمي=
ماعلينا من يجينا معتدي نقصر قياده=ونّتعشا ونّتمشا ونحدا ياليل هيا
طوّلوها وأشعلوها نار تليها رماده=أبتديتوا وأنتهيتوا باللّدا ياليل هيا
مصلح بن عياد=
في بلدنا ما حصدنا آلا المروه والرشاده=سمّنا في دمّنا مثل الصدا ياليل هيا
أن زرعتوا وأن حصدتوا يلحق الطيّب مراده=طولوها وأقصروها بالندا ياليل هيا
حبيب العازمي=
التسمم سم سمسم مير روحوا للعياده=والمعالج كما يعالج فالهدا ياليل هيا

محاوره ذوق



كل الشكر على النقل

يا سلام يا سلام ..



محاوره رائعه جدا .. تجلى فيها ابو فيصل ..



صحت السنتهم جميعا ..



يعطيك العافيه يا الشلوي ..



تحياتي

الله الله



طاروق ممتع ..



شكرآ // بدرالشلوي

والله طاروق غير


طاروق ابداع تركيب أبيات وفتل ونقض ولحن


المعنى الله أعلم به لكن في ساحة الشعر بإعتقادي وربما يكون حول شركة القصير وشعرائها وإنفصال حبيب عنها

لاهنت يا بدر وبيض الله وجهك

شكرآآآ للجميع على المتابعه


تحياتي لكم

ياسلام

طاروق مميز

ولكنه صعب جدا ومتعب وقفاته كثيره صراحة..ولكن ابدع الشاعرين فيه

اعتقد بن عياد اخطأ هنا وهو خطأ بسيط لا يأثر ولا ينقص من مستواه المميز هنا وفي شعره بشكل عام..

يـوم صفـقـات الهبـايـب والطـلايـب والنـكـاده(المفروض يبدأ بالهبايب والطلايب لتكون وقفته على نفس وقفات باقي بيوت المحاورة)

تحياتي