فك عمرك يا معقل

استلم يابطل


سلام يا عتابه .. من القلب منطوق ..سلام ياعتابه = لطامة العايل..وذباحة الحيل..لطامة العايل

يامعقل اقرابه.. وش الراى ياذوق..يمعقل اقرابه= لاقال لك قايل..ترا الناس بالسيل..لاقال لك قايل

عاااااش فتى العتبان

وطاروق محمس بصراحة

وانا ودي ارد عليك بس اخاف اني اكون قطيت وجهي

وعاااااااااااااااااااش فتى العتبان

صح لسانك يافتى...
مبدا رائع وننتظر معقل المجانين ...
وصلوا والله يقويكم ...
تحياتي

محمد الرشيدى------ مرزوق العتيبي

سلام الله

وارحبوووا يارجال

هذا من ذووووقكم ---واتمنى ان تكون مثل ماتتمنونه

معقل المجانيين وشاعر كبير ويشرفنى اللعب معه

استلم لاهنت يافتى العتبان والنعم


هــــلاوحــيـابــه ,, على كل طاروق ,, هـــلاوحــــيابه @@ والقـيـل والقايـل ,, وكثرالاقاويل ,, والقـيـل والقايل

من يفـتل اشنابه ,, يـلدالنـظـرفــوق ,, من يفتل اشنابه @@ واحضك المايل ,, وليلك بعد ليل ,, واحضك المايل

مرحباء مليون بكل من حضر وشرفنا

تقديري للجميع

استلم

يامعقل المجانين


يبقى بترحابه ..وعينى على السوق...يبقى بترحابه = ون حال بنحايل..ولافيه تسهيل..ون حال بنحايل

أعقالك اولابه..علا ايداك موثوق..اعقالك اولابه= وشهار فى حايل ..ندزك مراسيل..وشهار فى حايل

استلم يافتى العتبان
للخيل ركابه ,, وسابق ومسبوق ,, للخيل ركــابه @@ فالموقف الهايل ,, ووقـت التهاويل ,, فالـموقــف الـهايل

عقالي ادرابه ,, ولاكذب ولابوق ,, عقالي ادرابه @@ ماسمع من الفايل ,, ولاغلط ولافيل ,, ماسمع من الفايل

استلم يامعقل المجانين


احصانك ازلابه ..يلقمك خازوق..احصانك ازلابه = واحصانى الصايل..له صهيل وصهيل ..احصانى الصايل

ونته كما الطابه..وبا سوقها سوق.انته كما الطابه = حتى انك تخايل..من الصين للنيل ..حتى انك خايل

استلم ,, استلم



فالــك تـمـسـابــه ,, ولن طعتني روق ,, فالك تــمسـابه @@ متحمل وشايل ,, مدرب على الشيل ,, متحمل وشايل

مالك معي جابه ,, يابولبس مفـتوق ,, مالك معي جابه @@ والكيل والكايل ,, وحسابت الكـــيل ,, والكيل والكايل

هههههههههههههههههه

طيب طيب

شد حزامك


حلياك متشابه ..معه وانت مخنوق ..حلياك متشابه = شرك ترا زايل..ترمّييك ابابييل ..شرك ترا زايل

يوجعك مشعابه..وشاربك محلوق..يوجعك مشعابه = نكتال فىمحايل

..وخشمك كما الفيل ..نكتال فى محايل

الشاعر المحترم / فتى العتبان
بيض الله وجهك وماقصرت

تحياتي للجميع

تشكرون على العب والتميز

تحياتي

بيض الله وجيهكم

وصح لسانك يا فتى العتبان

وصح لسانك معقل المجانين

الخصم الشرس / معقل المجانين

صح لسانك

ويعلم الله انى استمتعت باللعب معك واستفدت منكم

بدون قصور فى احد

الاخ داهية عتابه

التميز هو وجودك معنا الله لايخلينا منك ومن عتابه

الاخ الفراهيدى

لاخلا ولاعدم

على هالحضور والمشاركة

وهاذى اخر محاورة لى هنا ان شاء الله