يازين لولا انه يسلي كلامك

يازين لولا انه يسلي كلامك = ان كان قلبي من وراء الصدر متكوك
ماشفت من بين الغنادير صورك= كن الحسن مابين راحتك مملوك
حبك شبك بالقلب ماعاد به شك = القلب في حبك مشربك ومشبوك
احاول ادله مير لامن ذكرتك = يفز قلبي كن به واخز الشوك
الطف وخاف الله في من يحبك = لاتلعب بقلبه كما لعبة الدوك
اليا انتثر من فوق الارداف شعرك = ليل ضليم وكن بالطيب مفروك
كن العسل مجناه في وسط بسمك = يشفي مريضً من عنا الوقت مضكوك
حدد مكانن فيه يازين ازورك = اجيك لو دونك مسافات ودكوك
لاسامح الله من يحاول يردك = ان كان عن لقياي يازين صدوك
وانه يخلي يومهم ليل احلك = يشيب فيه اللي على الديد مفكوك
ويصير عامر بيتهم بالثرى دك = يومنهم عني مع الدرب ردوك

صح السااانك يازيد
مير القافيه ماكنها اختلفت


مع هذا النص جميل ..

صح بدنك يافهد بس اي قافيه تقصد
الكاف في صدر القصيده مشدد

قافية الصدر

قافية الصدر غير موحده
واعد نظرك فالبيت الخامس


مجرد ملاحظه تزودك لاتنقصك
واترك التعقيب للاخوان

فهد الشيباني استغرب انك شاعر وتقول هذا الكلام وعلى قولتك
نترك الراي للشعراء وللمشرفين

اولاً صح لسانك يابن ثعلي


ثانياً كلام فهد صحيح ولكن لايعيب القصيده ولا يخلف الوزن بل يجعل في البيت نوع من الضعف

لانه افتقد للتشديد على حرف الكاف


عموماً كما اسلفت لايعيب القصيدة وصح لسانك يالغالي

الرائع : زيد بن جميل الثعلي

راائع بكل المقااييس


ولمن .. قال .. إن هناك أختلاف بالقافيه ..
بالعكس وإنما الأمر قد توقف شاعرنا
بصدر البيت على حرف واحد
وهو ( الكاف ) ..
وهذا لايعيب القصيده والنص مكتمل


لأقول إلا صح لسانك ياجزل


أحترامي