بيض الله وجيه

بيض الله وجيه ااتفكنا من نشايب


مرة مع بعاد ومرة مع قرابه

ياهل العرف طال الليل والقلب ذايب

والمعنى عناه البعد والهم صابه

يا هلا مرحبا ترحيب ماهو غصايب
اعزفه بالدفوف واعزفه بالربابه

ما يفك النشايب غير سيف العطايب
ما هو سيف مخبا ما خرج من نصابه

يا ابن الاجواد دامك ما انت تحت النصايب

لك خيار السلام ولك خيار المجابه

فزعتك للصديق ومد كفك لشايب

خير من مال ماظلله مية سحابه

يا ابن الاجواد هذا صار دهر الغرايب
ويش نفع الزمن اللي تنابح كلابه

ادري انك تقول الصدق مير الهبايب
ما تخلي على الرملة خطوط الكتابة

مايضر الوجيه البيض كثر الندايب

دام منهاجها قول النبي والصحابه

جهزوا دون مرباها جيوش وكتايب

واوقعوا بالدني الخوان حد الحرابه