17-Oct-2006, 04:42 PM
هذي محاورة كانت عبر الجوال وهي بين الشاعر الكبير : ســلــطــان الــهــاجـري والشاعر المبدع: رحــيــم الــغــنــامي,,
حيث ان رحيم اتصل برقم كان يظنه رقم الشاعر مطلق ابن شويه السبيعي
والفرق بين رقم مطلق وسلطان رقم واحد
وطاح رحيم في ســلــطــان
رحيّم الغنّامي
دقيت بالهاتف على جوال قرم ٍ من سبيـع=اللابه اللي في المواقف تحتمـي ميقافهـا
بغيت ابن شويه وطحت بهاتف استاذ الجميع=سلطان ابن وسام رمز المرجله واوصافها
سلطان بن وسام
انا وابن شويه سوى واللي يبانـا مايضيـع=ارقـام جوالاتنـا مـن لـد عينـه شافهـا
مثل الجدي وسهيل في صدر السما تلمع لميع=تسعات والاصفـار مـن قدامهـا وخلافهـا
واللي بعدها مرحبا مني ومن مطلق سبيـع=الطيبيـن احبهـا .. والا الرخـوم اعافهـا
رحيّم الغنّامي
الك البقا ياشاعر ٍ في الشعر له قـدر ٍ رفيـع=جمـل ويشتـال الحمـول اثقالهـا وخفافهـا
من طب في سوق الغلا يشري من الزين ويبيع=طاقة الصـرّاف شرهتهـا علـى صرّافهـا
سلطان بن وسام
ان كان قدري في الشعر عالي وفي غيره وضيع=عسى السحايب فوق داري مـا تهـل اطرافهـا
وان كان رمحي في المراجل رمح شالح و الفديع=ان اقبلت فـي نحورهـا وان دبّـرت فاكتافهـا
رحيّم الغنّامي
ماجا الخبر في موجز النشره ولا اذاع المذيـع=في نجد ماجيت الحجاز ولا خطـرت اشرافهـا
في الملعبه تاقف سوات الضلع و الحصن المنيع=عن عزوتك والطيبه تبـدي علـى مشرافهـا
سلطان بن وسام
سم و نعم لاهل المحبّه و اللكاعه للكيـع=واليا عطانا الحضرميّه مانمـنّ اغلافهـا
تعال ربّع في فيافي نجد في ايـام الربيـع=وفي الصيف رد عتيبه الهيلا على مصيافها
رحيّم الغنّامي
الا على طاري المحبّه و الوداعـه و الوديـع=ياموفـد العشّـاق باخبـار المحبّـه وافهـا
هو صدق راع الحب لامنك نهيته مـا يطيـع=يضرب بعرض الحايط اسلوم العرب واعرافها؟
سلطان بن وسام
اللي يحط امانته في شنّة ٍ تقـرع قريـع=اكيد ما يحسب حساب ارباعها وانصافهـا
وانته ليا سافرت لاتعطي مع الخط السريع=والا انكفت مابين نجدتها وبين اسعافهـا
رحيّم الغنّامي
سلمت ياشوق العنود اللي ورى حد الوسيع=اللي بني هاجر تغني لك علـى محرافهـا
القاف وصل انهايته ونهاية الطرق البديـع=الله يبارك في الصفر والخمسه ومن ضافها
مع العلم ان المحاوره منقوله من منتدى المرقاب
لحفظ حقوق النشر,,
حيث ان رحيم اتصل برقم كان يظنه رقم الشاعر مطلق ابن شويه السبيعي
والفرق بين رقم مطلق وسلطان رقم واحد
وطاح رحيم في ســلــطــان
رحيّم الغنّامي
دقيت بالهاتف على جوال قرم ٍ من سبيـع=اللابه اللي في المواقف تحتمـي ميقافهـا
بغيت ابن شويه وطحت بهاتف استاذ الجميع=سلطان ابن وسام رمز المرجله واوصافها
سلطان بن وسام
انا وابن شويه سوى واللي يبانـا مايضيـع=ارقـام جوالاتنـا مـن لـد عينـه شافهـا
مثل الجدي وسهيل في صدر السما تلمع لميع=تسعات والاصفـار مـن قدامهـا وخلافهـا
واللي بعدها مرحبا مني ومن مطلق سبيـع=الطيبيـن احبهـا .. والا الرخـوم اعافهـا
رحيّم الغنّامي
الك البقا ياشاعر ٍ في الشعر له قـدر ٍ رفيـع=جمـل ويشتـال الحمـول اثقالهـا وخفافهـا
من طب في سوق الغلا يشري من الزين ويبيع=طاقة الصـرّاف شرهتهـا علـى صرّافهـا
سلطان بن وسام
ان كان قدري في الشعر عالي وفي غيره وضيع=عسى السحايب فوق داري مـا تهـل اطرافهـا
وان كان رمحي في المراجل رمح شالح و الفديع=ان اقبلت فـي نحورهـا وان دبّـرت فاكتافهـا
رحيّم الغنّامي
ماجا الخبر في موجز النشره ولا اذاع المذيـع=في نجد ماجيت الحجاز ولا خطـرت اشرافهـا
في الملعبه تاقف سوات الضلع و الحصن المنيع=عن عزوتك والطيبه تبـدي علـى مشرافهـا
سلطان بن وسام
سم و نعم لاهل المحبّه و اللكاعه للكيـع=واليا عطانا الحضرميّه مانمـنّ اغلافهـا
تعال ربّع في فيافي نجد في ايـام الربيـع=وفي الصيف رد عتيبه الهيلا على مصيافها
رحيّم الغنّامي
الا على طاري المحبّه و الوداعـه و الوديـع=ياموفـد العشّـاق باخبـار المحبّـه وافهـا
هو صدق راع الحب لامنك نهيته مـا يطيـع=يضرب بعرض الحايط اسلوم العرب واعرافها؟
سلطان بن وسام
اللي يحط امانته في شنّة ٍ تقـرع قريـع=اكيد ما يحسب حساب ارباعها وانصافهـا
وانته ليا سافرت لاتعطي مع الخط السريع=والا انكفت مابين نجدتها وبين اسعافهـا
رحيّم الغنّامي
سلمت ياشوق العنود اللي ورى حد الوسيع=اللي بني هاجر تغني لك علـى محرافهـا
القاف وصل انهايته ونهاية الطرق البديـع=الله يبارك في الصفر والخمسه ومن ضافها
مع العلم ان المحاوره منقوله من منتدى المرقاب
لحفظ حقوق النشر,,
