الحبردية وابن سعود

بعد معركة السبله انقسمت القبايل على ابن سعود اما معه او ضده المهم ارسل الملك عبدالعزيز لسلطان ابو سنون امير ذي عطيه يقول فيها ليش ما شاركت انت وذي عطيه في السبله ارسل سلطان ابو سنون مرسول مع صنهات الشديدي الى عبد العزيز ويوم جاه المرسول قتل صنهات وقال الحبيردي راعي مراسيل قم ياالفرم انت وعقوب الحميداني اغزو ذي عطيه ويوم وصل الجيش نفي خيمو فيه اثر اخت سلطان عند مرزوق الغميسي في نفي قالت اخت سلطان لمرزوق انذر سلطان والله لو ما تنذره ما يواسد راسي راسك فقال عطيني الشداد والخروج وهو يسري حول المغرب ويوم جا الفجر والياهو عند سلطان وقال العلم كذاوكذا وشب النار واجتمعو عليه ذي عطيه وقبل يسير جيش الملك قالهم ذعار المحسول ان شفتوهم غافلين عليكم ابهم وان كانو حاذرين جنبو عنهم ويوم اقبلو على القرارة ارسلو السبر وراح السبر ويوم شافو ذي عطيه تهولو منهم واليا البوارديه جاين منا واليا اهل الشلف جاين منا والياالخياله جاين منا والسبر يتروع مما شاف وقال الفرم جنبنا عنهم وهم يصبحون الدلابحه ومطير اهل مسكه وضرية والقريات وياخذونهم قام احد الحبرديه يقول قصيده \\جمع سياراته قليل الفود \\جمع سياراته وحنا وراه\\قصر القراره زايدن بجرود\\والماس الاشقر في قفاه.سمع القصيدة عبد العزيز وقال والله لاجرها عليهم ويوم اقبل الملك على القرارة قال سلطان ياذي عطيه لايقعد عندي منكم احد قومو تفرقو ويوم تفرقو ذي عطيه جا عبدالعزيز القراره وليا فيها ثلاثه سلطان وزامل السلي وواحد من المغايره اقبلو على عبدالعزبز والياعمر ابن اربيعان عنده فقال عمر السلي شجيع والمغيري بواردي مايخطي النحور والامير تاكل القطيه عشاه فرد عليه سلطان وضحك عبد العزيزمن رده وصفح عنهم ورجع الى الرياض

السلام عليكم وبعد انا اخطيت في قول ارسل الملك عبدالعزيز وانما هو سئل اللي حوله يقول ليش سلطان ما جا بذوي عطيه ولم يرسل الملك اي رساله لسلطان وبعد ماوصل الخبر لسلطان ارسل صنهات ...والباقي كما ذكرت وتقبلو تحياتي ولد حبرود