الشيخ /صنيتان الضيط

قصيدة بمناسبة عزيمة الشيخ /صنيتان الضيط لمشايخ قبيلة حرب على شرف
معالي الشيخ/طه بن مبيريك


هب النسيم وعانقه عطر الإزهار= وهز الغصون اليانعة واحتواها
وشاشت مراميس الطواري والأفكار= ونالت هواجيس القصايد منها
وفي ماقفي تداعت أبيات الأشعار= ولبستها حلة غلا من غلاها
ثوب الغلا للغاليه طيب وستار= في ألحله اللي يسعد الله مساها
في حلة صنيتان مقدوم الأخيار= شيخ الشيوخ اللي يذري ذراها
الضيط أبو فواز حلال الاوسار= لاكبرة الحاجة بعرفه قضاها
الضيط حر من صناديد وأحرار = نور ونيران يروع سناها
نور انتقدا به على كل الأنوار= ونار على روس الأعادي لضاها
في مجلسه تلقى مناعير وأبرار= يا طيب مكرمها ومكرم نباها
وابن حميد ايجيله المدح مدرار= لن كبرت القالات بندر حماها
اميرنا بندر ليا جيت ابا اختار= تعجز بيوت الشعر من منتهاها
بندر ولد نايف ذرا كل مغوار= لو حدته سود الليال احتداها
ونيابة عنهم عدد نبت الأثمار= في عبلة يلحق ثراها ثراها
يا مرحبا وعداد همال الأمطار= وعداد وابل وبلها من سماها
ومن خاطري ما داعب النود الأشجار= ويا مرحبا حييت يالشيخ طاها
يا مرحبا يا حرب تكرار و إمرار= حرب الرجال اللي قوي دهاها
حرب الرجال اللي لهم في الملا كار= حرب الرجال اللي بعيد مداها
حرب الرجال اللي كما السيف بتار= حرب الرجال اللي عزيز بناها
وحييت يا طه عدد ساير سار= ذخر الزعيم اللي بلاده حماها
قد قالها مليكنا الوالد البار= وأعلن بها بين الملا ما نساها
يقول ابن عمي وللقول مسعار= تبطي ولا ينسى ملكنا ولاها
ويا بن مبيريك الوفي واف الأشبار= طيبك على ما قلت نفسي دعاها
ولو أمدحك ببيات الأشعار واختار= أغلى بيوت الشعر واحكم بناها
ما أوفيت ذكر شاع ما بين الأقطار= هيبة و لا احد من البرايا لقاها
واثني تراحيبي بسم كل غيمار= اعتيبه اللي عالين مستواها
وأقول ولا اطلب على القول معذار أمدع بني عمي وأبا أشهر غلاها
مقدارهم يطغى على كل مقدار= لا ثارة الهيجا ودارة رحاها
شجعان يسقون العدا كاس الامرار= ولو عضها ناب الدهر ما قواها
أهل ألوفا والطيب وكعام الأشرار= لن كبرت القاللات حنا دواها
واليا غش الميدان دخان وغبار= اكبر قبيلة ما تجي في نحاها
أهل الثلاث البيض في كل مضمار= وأهل يمين ما تشح بعطاها
اعتيبه أهل الطيب حكامة الشار= من طيب قالتها عزيز حماها
وفي حلة اللي يكرم الضيف والجار= أدعو معي يحفظ بحفظ الالها
الضيط أبو فواز حلال الاوسار= شيخ الشيوخ اللي يذري ذراها
يا مرحبا عداد ما طاير طار= أقولها واختم كلامي علاها

..
.
صح لسانك ياعبد الله القثامي
ويستاهل المدح صنيتان ويستاهل المدح بندر
وتستاهل المدح قبيلة حرب...
..
تقديري واعتزازي فيك ايها المبدع
....

..
ابوسلمان ..
يامرحبا .. يامرحبا ..
ابداع .. وصفحة رائعه ..
صح بوحك .. ومليون نعم .. بمن ذكرت ..
مودتي ..

مشكور اخوي القثامي

ولاهنت على نقل القصيدة الجزله

وصح لسان الشاعر صنيان

وتستاهل حرب العلم الطيب

صح لسانك ياعبدالله وبيض الله وجهك على القصيدة الجزله..

ونعم صنيتان الضيط يستاهل ..

ولك جزيل ألشكر وفائق الأحترام..

صح لسانك ..
يامبدع .....

صح لسااااااااااااااااااااااااااانك



يامبدع




والله لايهينك

صح لسانك


يابو سلمان


وفيّت وكفيّت

صح لسانك يابو سلمان
ويعطيك العفيه على هالرائعه


لا هنت اخوي