هذه القصيدة في الشاعر عبدالمعين بن ثعلي العضياني رحمه الله

شعر
الوطن كسبه



يا لله يا للي ما تعدد حسانيه

رحمتك يا لمعبود جزل الوهايب

يا واحد كل يعبده ويرجيه

بفضلك تعدينا عظيم المصايب

واللي بعدها البوك لاهنت عطنيه

اكتب بعد جاء للقوافي سبايب

نويت اغني الشعر وارثي مغنيه

رفيق لو هو حدر عوج النصايب

عبدالمعين اعنيه وارجي لباريه

يثبته قدم الهول والعجايب

شاعر عتيبه نسج فكره مسميه

نظيف طرق ولا سلك للمعايب

الشعر في موفي حقوقه نعزيه

اللي نهج جزله شباب وشايب

هذاك من خلد من الشعر صافيه

فوق الجموس ويوم وقت الركايب

بالشعر عالج كل ما كان يعنيه

بالمنهج الواضح بعيد المعايب

مبدع وفي حاضر زمانه وماضيه

مواهبه ما تنتج الا غرايب

كنا نفيد ونستفيد بمعانيه

واليوم راس معلم الشعر غايب

لا قيل ابن ثعلي وهذي قوافيه

له خط سير ما يشيبه شوايب

يا زين لجزال المعاني تصديه

ياخذ عذوبة وبل غر السحايب

واليا نوى خصمه يضيع هقاويه

وعن عزوته ياقف بوجه النوايب

وشعر الوطن كسبه يجي من علاويه

والنصح عدابه طوال الرقايب

وحنا نعزي أهل الأدب والأدب فيه

وأنهار شعر مالها عنه نايب

وقبيلة تفخر بشعره وطاريه

حيثه فقيد بعيدهم والقرايب

ونرجي الكريم بجنة الخلد يؤويه

مع من رحم من صالحين وحبايب

وصلوا على المبعوث ما حل طاريه

وما هل وبل وما تهب الهبايب

محماس بن شميسان

مشكور اخوي ابوثنتين

والله يرحم بن ثعلي

وصح لسان الشاعر

أبوثنتين لاهنــت على القصيـده


والله يرحـم الشـاعر بواسـع رحمتـه


تقبل تحياتـي


أخوك فهـد الجـذع