يازين قلبي لاتبين حزيزه.........تراه من سبة هواك متردي ((غازي بن عون))

السلام عليكم ورحمة الله وبركاته،،،،،،،،،


أخوي سعوط المجانين..............

هذي القصيده اللي طلبتها،،، للشاعر/ غازي بن دخيل الله بن عون

يازين قلبي لا تبين حزيزه=تراه من سبة هواك متردّي
حزّت دوامه فالعمل تهليزه=من يوم يطرونك اليا الصبح ردي
حب العرب سطحي وحبك غريزه=لو كل حبٍ شد هو ما يشدي
وفعلك بخلك مابه أحدٍ يجيزه=عذبت فيّه لين بيحت سدّي
مقصدك متيمك وتعجيزه=ولاّ لعانة قلب ولاّ تحدّي
والزين نادر عش منت بلزيزه=في فرط حسنك كل عين تلدّي
إن جيت اميز مال حلياك ميزه=وإن جيت أعد الزين ياويش أعدّي
زينك جنيه وباقي الزين بيزه=للزين حدود ولا لحلياك حدّي
جنيهٍ وليّه صاينه في حفيزه=لو بددوا زينه على الكون بدّي
سبحان من كمل جماله بميزه=وودّع مسيره بدرجان وتهدّي
لو يجمعنا البيض صارت خزيزه=راع النظر لا شافها مايصِدّي
والأبو طيب والقبيله عزيزه=والعقل كامل والجمال متعدّي

الف شكر لك يابن عون
وبيض الله وجه شاعرنا الكبير غازي بن عون
ملاحظه.......انا ادور هالقصيده صارلي فتره
ومشكور للمره الثانيه
اخوك سعوط المجانين الروقي

لا شكر على واجب حنا في خدمتك يالغالي ,,

اي شئ تطلبه حنا حاضرين ,,

صح السانك والسان قايلها

وتسلم يمينك

سلمت يمينك يابن عون

وهذه الرااائعه من العيار الثقيل

لشاعر هذا الجيل وهو والله يستحق لقب شاعر القرن بحق

تحيااتي لك

الخنفري سلمت يمناك وتحياتي لك ,,

صنيتان قرداحي هلا والله ,,

تشرفت بمرورك ,,

قصيدة في قمة الروعة , صح السان الشاعر الكبير غازي بن عون , وصح السانك يابن عون , مشكور على انزال هذة القصيدة في منتدى الهيلا.

صح بدنك ,,

العفو يابن مشبب ,,

تشرفت بنرورك ,,

تسلم يمينك يابن عون على القصيده الرائعه ولاهنت ومشكور لنقله بالمنتدى


اخوك
ابو بندر الشيباني

هلا بهاوي نجد ابن شيبان

صح بدنك

وتشرفت بمرورك