سرحان يقنب وابن سرحان صيد السعد
عيد العازمي27-Dec-2008, 08:29 PM
اذا سمح وقتك :)
سرحان يقنب وابن سرحان صيد السعد = ماسد جوع الذيابه غير صيداتها
حث الركايب وانا وياك وسط البلد = معك الدليله يحدد كل وجهاتها
السيل-الحافي27-Dec-2008, 08:32 PM
اذا سمح وقتك :)
سرحان يقنب وابن سرحان صيد السعد = ماسد جوع الذيابه غير صيداتها
حث الركايب وانا وياك وسط البلد = معك الدليله يحدد كل وجهاتها
صح السانك ومتابع وفي انتظار الرائع العازمي
سلطان الجـذع27-Dec-2008, 08:47 PM
....
الله الله يالعازمي :) .. صح لسانك
في انتظاااااااار صديقي ابن سرحان .
عيد العازمي27-Dec-2008, 08:49 PM
السيل الحافي
صح بدنك
الاسطوره
حضورك مميز
صح بدنك
فايز بن سرحان الثبيتي27-Dec-2008, 08:58 PM
استلم لا هنت
يالعازمي وش حدابك في دروب النكد = ادروب عسره ولا تقوى ملفاتها
كم سايق لا عطاها قال انا مستعد = وتبان فنهاية الرحله معاناتها
عيد العازمي27-Dec-2008, 09:05 PM
لو ننشدك وش حصل فالسبت قدم الاحد = اتقول مرّت واكلنا من مطبّاتها
انته طموح وخصيمك مايناحيه احد = عساك تصبر على الدنيا وصكاتها
فايز بن سرحان الثبيتي27-Dec-2008, 09:19 PM
اتدور الايام والحاضر عليها شهد = يوم انه اخذ جزاها قبل حزاتها
لكن لا تتبع الغرات وانته ولد = لا تاكل الحرجه وتقعد بويلاتها
عيد العازمي27-Dec-2008, 09:32 PM
اللي فزعلك لقاله علم ماله ردد = ماتدري ان النشاما كفو وقفاتها
اليا بنيت الخيام البيض جبنا العمد = صافح كفوف المراجل واخذ بصماتها
فايز بن سرحان الثبيتي27-Dec-2008, 09:51 PM
انته سمعت الكلام الزين ولا بعد = ياللي تحامي عن الديره وحياتها
ون كان ودك تسوي مثل صاحبك ابد = مايلحق الساقطه الا خوياتها
عيد العازمي27-Dec-2008, 10:00 PM
الله الله
الظاهر اللي على الجمه عزم ثم ورد = ايّس ودلوه تقارع بين طيّاتها
العشره اللي ظهر عشره بعدهم جدد = ماشدد النازلينه كان واخواتها
فايز بن سرحان الثبيتي27-Dec-2008, 10:13 PM
هذي حياة البنادم كلها في كبد = اليوم يالعازمي طويت سجلاتها
ابو لهب حرمته عذابها من مسد = وهو كماها يبا يلقى نهاياتها
علي الثبيتي27-Dec-2008, 10:20 PM
هههههههه اثر المطوع العازمي هنيا
والابداع والجزاله
صحت الالسن
وعلى القوه
فايز بن سرحان الثبيتي27-Dec-2008, 10:23 PM
مرحبا يالنشمي
لا هنت على المرور الطيب
عيد العازمي27-Dec-2008, 10:23 PM
قسم القصايد يسدّك عن مسار الجهد = لعل نفسك يفارقها تنهّاتها
مديون وإن زاد دينك فحصره بالعدد = لعل غيرك يسددها على اوقاتها
عيد العازمي27-Dec-2008, 10:25 PM
هههههههه اثر المطوع العازمي هنيا
والابداع والجزاله
صحت الالسن
وعلى القوه
ههههه ايه ياشيخنا المطواع :d
صح بدنك ياعم النشمي :)
فايز بن سرحان الثبيتي27-Dec-2008, 10:35 PM
صاحبك يوم احتمى الميقاف كنه شرد = وانته تعذر وعينك في تلفاتها
كريم يالعارض اللي يوم هل البرد = هدم بيوت الرخوم وكثرت امواتها
عيد العازمي27-Dec-2008, 10:38 PM
هههههههههه
الغالي ابن سرحان
صح لسانك
حتى فالمزوح ماتنحرز
هنئاً للمنتدى بشرواك
تصبحون على خير
فايز بن سرحان الثبيتي27-Dec-2008, 10:40 PM
بياض وجهك
والله ايعين علاكم
هههههههههههه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
