الشاعرالشاب/ عماد بن سلطان بن فيحان المرشدي العتيبي

هذه القصيدة تعبرعن نفسهاوقد ارسلها علي
الشاعرالشاب/ عماد بن سلطان بن فيحان المرشدي العتيبي
امس 17/4/1430هـ على الجوال وحبيت انزلها في منتدى الهيلا شاكرآ له ماجادت قريحته به من ابيات الشعر الطيبه
وانشاء الله ياصله ردها مني عن قريب
ويتم انزاله في منتدانا الغالي هذا
اترككم مع القصيدة.



سلام ياراع الوفا منبع الجود = سلام ياللي فالمواقف صتيمي
سلام يامن برهن الطيب بوجود = يافاعل المعروف علمك غنيمي
في فعلك المعروف منته بمجحود =رد الثنا حقن عليّه مقيمي
يوم ان غيرك فزعته ماثمرت فود = وتهت السنع وازريت لرجع نديمي
جيتك وانا وضعي معقد ومضهود = وانهيت موضوعي وفكيت ضيمي
نظرت في دعواى والباب مسدود = وختمتها ذاك القرار الصريمي
شكرآ لكم ياسعود شكرآ بلا حدود = من حشّم الاحشام رجلٍ حشيمي
أنا اشهد انك طيّب الراس ياسعود = والنعم والله ياسعود العصيمي
تجود لاهل الجود بالجود واتجود = من طيبك اللي وارثه من قديمي
من راس ابوك وجدك الاول العود = اللي بنوا تاريخ مجدن عظيمي
امجاد عز الها مواثيق وشهود = يشهد بها شيخ العرب والفطيمي
والله مهما اقول ياسعود وازود = ملحق مدى طيبٍ بشخصك مديمي
واختامها مني لك الشكر مردود = ويجزاك بالحسنات ربٍ كريمي
انكان جاء مني خطأ غير مقصود = ماني عليم القول توي عليمي.

صح لسان الشاعر عماد المرشدي وبيض الله وجهه وجهك

ولاهنت على النقل ياسعود

وفي أنتظار ردكـــــ ....

ابو نواف


صح بدنك بالنيابة عن عماد


وابشر بالرد عن قريب ان الله احيانا وياكم.

صح لسانه وعلا شأنه
وتستاهل هالقصيد يالعصيمي
ونحتري ردك الوافي يالوافي

صح لساااااان الشاعر عناد المرشدي



وانت يابو طايل تستاهل المدح



والطيبّ يجزا بالطيب

ياسلام ياسلام

صح لساااانك ياسعود .. وصح لسان الشاعر / عماد المرشدي

وتستاهل الخير والمدح ياسعود ..

تحيتي
...

صح لسانه على الابيات


وشكرا على النقل يا سعود

الله الله




صح الله لسان الشاعر : عناد المرشدي



ولاحنا قايلين لك شي ياخالي :) لين نشوف الرد






لاهنت يابو طايل ونحن في قايمه الانتظار






ارق تحيه


..

صح لسان الشاعر \ عماد المرشدي مولف هذه السمفونية


ويستاهل ابو طايل المدح والوفا ما يعطى الا لهله



تحيتي للابداع



شكرا ياسعود على اضافة القصيدة