عجمـي العطـــاوي [ لكـــن لاتنســون نايــف وسلمــان ]

( حنكة فهد من راس شامخ ومليان )






ياحي ياقيوم ياعالي الشان=يالواحد الفرد الصمد محي الاموات

ياناصر المظلوم ياراع الاحسان=أمدّنا من فوق سبع السماوات

لأردت شئاً قلت له كن ثم كان=وحنا البشر وإنعاني المستحيلات

جا للظروف القاسيه بعض الأعوان=اللي لهم في الظلم جوله وصولات

لفّوا وداروا وإختفوا قدر الأمكان=مير أنكشف مضمون بعض المكيدات

كيد اليدين الظالمه زاد طغيان=الله أكبر ياليدين الخفيات

أسوأ خبر مشحون كيدٍ وعدوان=إعداد للمديون مر العقوبات

ما الدين نشكي . نشتكي ظلم خوان=أشعل نفوذه مع جميع المسارات

تجاوزات تفوق تصوير الإنسان=كادوا بها للشعب شر العصابات

كله لخاطر كل من كان ديان=ولاهي بدايم للمنافق سلامات

حتى ولو إجتاز في بعض الاحيان=إنسان غير مؤهلٍ للأمانات

لابد مايردع ويقمع وينهان=ولابد معه تعاد كل الحسابات

هو يحسب ان العلم بطشه ونسيان=وعكس اتجاه ودبلجة شر الأصوات

ويعمل على ما أراد ماقيل غلطآن=ويآمر وينها في جميع المجالات

بطش العميل اللي تعدّى وبهتان=كنّه يقول ان الوطن لارجالات

لكن لاتنسون نايف وسلمان=الله خلقهم للأمور الصعيبات

والعلم ياقف لآوصل عند سلطان=ومن أنت ياجاهل جبال السراوات

الشعب من دونه طويلين الأيمان=نآمن بهم بعد الولي شر الآفات

ديوانهم للشعب من دون بيبان=مفتوح لأبناء الشعب في كل الأوقات

وميزانهم يرجح على كل ميزان=وقرارهم يلغي جميع القرارات

حنكة فهد من راس شامخ ومليان=بأسمى المعاني والوفاء والبطولات

له هيبةٍ يآمن بها الإنس والجان=وله سطوةٍ تنهي جميع الخلافات

وعيال من وحّد قبايل وبلدان=حتى اصبحت دوله بعد كانت أشتات

عبدالعزيز اللي له العدل عنوان=دستوره القرآن عن رغبة الذات

تمت وصلى الله على نسل عدنان=على النبي خاتم جميع الرسالات









عجمي بن خصيوي بن زنعاف العطاوي العتيبي

صح لسان بن زنعاف


لاهنت على النقل

صـــح بـــــدنك


وشكـــراً

,,


صح لسااااااااانه...