يانوف روحي ترى ماأنتي بمحتاجه ـ أبيات لشاعر عتيبة العتيبي

بسم الله الرحمن الرحيم

هذه الأبيات اول مشاركه في هذا المنتدى لشاعر / عتيبة العتيبي


يانوف روحي ترى ماأنتي بمحتاجه = لك درب وأضح وأنا عارفتن أدروبي
ما عاد أنا أقدر أطاوع كل غناجه = بتوب يانوف وأنتي عجلي توبي
خلي عتيبة بحر الذنب وأمواجه = يعوم وأنتي ترى خابرتن أذنوبي
من كبر ذنبي يانوف النوم سوهاجه = من كبر ذنبي ترى ماارتاح في ثوبي
يانوف قالوا تقرب لله وناجه = ودعه وربك كريمن يقبل التوبي
لكن روحي أنا ماعادلي حاجه = بتوب يانوف هذا كل مطلوبي


تقبلوا تحياتي الشاعر عتيبة العتيبي

ننقل لكم من أشعار شاعرنا عتيبة العتيبي


ياللي تماريني بكدشن من السوق = شريتها وأشغلتني باللمارا
أنا يماريني هل العرف والذوق = اللي لهم في دفع الابواش كارا
والا أنت يابن الناس تاجر ومطفوق = ما تعرف الناقه من أم الجفارا
اللي شرالك عبدك الزول مرزوق = وحسبت ذودك من أحساب الخيارا
يشريلك الزقماء بسعر اطيب النوق = وتدفع ثمنها وأنت وسط الغمارا
بوشك مع الابواش مايرفعك فوق = اللي دفعته فيه ظلم وخسارا
لكني طعني وجلبه جعلك العوق = وشتر نعيمن تلتفت للحمارا


كذلك له هذه الأبيات


العام أوريك زين الطرش يامشرف = واليوم تنقد بعيري يالله الخيره
اللي بناته اليامن روحت تهرف = يمسي على دربها من يشعب بعيره
شعل(ن) أسهاف الوجيه أرقابها تشرف = تشرف على نجد لوهي من وراء الحيره
هزع العراقيب قب بحبهن مسرف = أزبن عليهن من الازعاج في الديره
والا أنت رح يم زربات النخل وخرف = ون ما عطاك البلح دور على غيره
وأن طعتني خل عنك النقد يامشرف = لا حداك تخشر مع المربوط في شعيره




كذلك له هذه الأبيات


الناقد اللي بالبحر حاول الخوض = ملح البحر شوه بياضة أسنونه
هو يحسبنه بنك يصرفلنا قروض = والأخ متسؤل يبيله معونه
من كبر قلبه ينقد البرق والنوض = ونقد بعد عنتر وعدل أطعونه
مغترته نفسه يبا دخلت الروض = لكن دون الروض عودن بشونه
والنقد لهل النقد ماهوب مرفوظ = لكن من مثله تراها مهونه



صح لسان شاعرنا / عتيبة العتيبي

وسوف نضيف لهذا الموضوع من أشعاره القديمه والحديثة بعد أن صرح لنا بالنشر

تحياتي للجميع

اشكرك اخوي على النقل

وصح لسان الشاعر

لا هنت

شكرا لك يابو فهد على تشريفك للموضوع


كذلك ننقل لكم هذه الأبيات لشاعرنا عتيبة العتيبي



ياورع أنا يابوك ساتر أعيوبي = وبالظلم حطوبي يابوك العذاريب
ويومنها مليا بمالي أجيوبي = أسمع هلا وأسمع كثير التراحيب
واليوم قل المال ثم برقوبي = ناسن تعرف اني عطيب المظاريب
لكن حط القل دوبه ودوبي = وخلا كدايش نجد تضحك على الشيّب
ناسن تحسب المال ماله ذهوبي = ماجربوا ياورع تصفيرت الجيب
ومنو نهارن فيه ياورع جوبي = وتعقدت حجانهم وأنتها الطيب
أثر اللحم لامن تلاصق يذوبي = ويخرله أجروحن من الصعب بتطيب
عرفتهم عرفتهم ما شقوبي = في شدتي صاروا سوات اللواهيب
جبال ثلجن بالحراره تذوبي = أخير منها صحبتي للاجانيب
عن سيرتي عيت تهيد وتتوبي = حتى نساهم وقفن بالكلاليب
صارت مجالسهم تصدر أذنوبي = ويعلمون الورع شذب العراقيب
يالله عساهم للفنى والذهوبي = في ساعة(ن) فيها المنايا هذاريب
واليا فنو للنار وسط الشبوبي = مخالدين يصارعون التعاذيب


صح لسان شاعرنا عتيبة العتيبي


يتبع بأذن الله في وقت غير معلوم

صح لسااانه


والله يعطيك العافيه يالغالي ..


وياليت تضع لنا اسمه الكامل لكي نثبت له ديوان مع دواوين شعراء عتيبه



المثبته بأعلى القسم ..



تحيتي لك
,,

تسلم ياعامر على النقل وصح الله لسان الشاعر عتيبة العتيبي

صح لسان الشاعر

عامر لاهنت على الطرح

تسلم ياعامر على النقل وصح الله لسان الشاعر عتيبة العتيبي

تسلم ياعامر على النقل وصح الله لسان الشاعر عتيبة العتيبي