عزي لعود(ن) ظروف الوقت حدنه ..

عزي لعودأ ظروف الوقت حدنه
ذاق الجفا والمصايب والعواقيبي
يكن غيضه ويخفي واهج الونه
كنت حيامن يشفن المغاريبي
في حنت القيض واللاهب كواهنه
وردأ على الماء خلاوي شمّخ النيبي
وساجن وداجن وجو العد عافنه
وسرت بهن فاطرأ عوجا عراقيبي
شيبأ من الشيب بالممشى شعتهنه
عرندسن من كبار الفطر الشيبي
من جل ذودا بعيد الدار داجنه
مع دربها يتعبون اهل المناجيبي
عطت بهن خايعن خالن وهابنه
فيه الثعالب تضابح مع نما الذيبي
من اول الليل لان الفجر شافنه
راحن على ساقت الفاطر جناديبي
عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي
الله يعوضه كريم الوجه بالجنه
الخالق الرازق اللي يعلم الغيبي



الشاعر : عيد بن بجاد بن شده العتيبي

عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي



الله يبيض وجهك قل آآآمين


لكن الشاعر / عيد بن بجاد العتيبي

هو انت ولا ناقلها عنه "

ابو عبيد

بيض الله وجهك على نقل هذه الرائعه

عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي



الله يبيض وجهك قل آآآمين


لكن الشاعر / عيد بن بجاد العتيبي

هو انت ولا ناقلها عنه "



صح بدنك والشاعر هو انا

صح السانك ياابوعبيد على القصيدة الرائعه

احترامي

صح بدنك ياخي ويعطيك ربي العافيه

ابو عبيد صــح لسانك .. ولاهنت على هذه الابيات الرائعة ..

صح بدنك يالخطيب لاعدمنا هالطله الغاليه علينا