اناعشقته= قصيده

انا عشقته بس مانيب اوريه = ومن كثر عشقه قمت اخبط لحالي
احب انا حبه وحي(ي) محييه = وغلي غلاه ولا عطاني مجالي
دايم مطنشني يبا من يراضيه = واصبحت احس انه صعيب المنالي
ياكثر ماحبه وياكثر مغليه = تدرون منهو جايكم في مقالي
ضبي(ن) صغير والحلى باين(ن) فيه = ومن كثر زينه راح حضره معالي
شكل القمر شكله عسى الله يخليه = وطعم العسل من وسط ريقه يشالي
وعنق الغزال وطول عنقه يحليه = من طول عنقه راح كنه غزالي
ورموش عين(ن) نص خده تغطيه = ونهود صدر(ن) للكمثرى تحالي
ضبي(ن) لمحته ياعرب وين اوديه = لاهوب من ربعي ولا من خوالي
حظي قعدلي يوم مريت انا فيه = وثره بدربي واقف(ن) في قبالي
وقفه دلع سبحان رب(ن) مسويه = وقفه دلع ماصورت فالخيالي
ونظره ملاك(ن) من نظرها تسريه = من شوفها كن الرياض استوالي
ابطيت ادور عن خبرها وحريه = عشرين يوم انشد وازيد السؤالي
الين بانت عقب مده حراويه = رقم الموبايل صار عندي وجالي
دقيت رقمه في جهازي وناويه = عله يجاوبني شبيه الغزالي
مر(ن) يدق ومر مقفل مطفيه = ومر(ن) يجاوبني ولااعطا مجالي
وامه ترد احيان وتقول وشفيه = اذلف تقلع خل عنك الخبالي
شهرين لاشفته ولانيب ناسيه= سجه على ذكراه مر(ن) وحالي
الين بيحله ضميره خوافيه = وارسل علي يقول يابن الحلالي
قلبي خفق يمك وبانت معانيه= ابعد ترى قدمك زحول الرجالي
قلت افهمي يابنت قافي واغنيه = عشرين بيت(ن) كلبوها على الي
ساسي عريب وطيبات(ن) هقاويه = وراسي رفيع ارقى طويل الجبالي
انا تركتك يوم اخاف المشاريه= ولولا الملامه كان ياهملالي
ولولا العتب والعلم بانت مواريه = لادق خشمك لوبخشم الريالي

قصيده من نظم الروقي فيصل نامل ان تحوز على
استحسان قرؤ الهيلا

ساسي عريب وطيبات(ن) هقاويـه
وراسي رفيع ارقى طويـل الجبالـي

صح للسانك يافيصل

ابيات جميله

دمت بخير

الله يجعلك في خير دوم اخوي ناصر
ويعطيك الف عافيه ...... على مبادرتك الطيبه للقصيده

يالربع الجايييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييي
اكثررررررررررررررررررررررررررررررررررررررررررررررر رررررررررررررررررررررررررر
الروقققققققققققققققققققققققققققققققققققققققققققققق ي

صح لسانك
كفو لكل العلوم الطيبه يافيصل ..
تحياتي

صح لسانك اخوي مرزوق وبيض الله وجهك مراقبناالعزيز........ الروقي..........