باحاج ترجع بالسلامة وتوبة ,,, للشاعر حجب العصيمي

ياهني من هو حج والحج مبرور= ويعود من حجه وتغفر ذنوبه
وسلام مني لك وبا قول ما جور = ياحاج ترجع بالسلامه وتوبه
دار السعوداللي ترحب على الفور =نا س ٍ من أجلك نومهم ما هتنوبه
ومليكنا اللي لراحة الحاج مسرور =خادم بيوت الله زعيم العروبه
ورجال تعمل تاخذ النصح والشور=بتوجيه أبومتعب ورأيه مشوبه
أمن ٍ وأمان لك وزاد ٍ ودكتور = وجميع ماتحتاج قاموا وجوبه
يشهد لهم شهادة ٍ ما بها زور =لخدمة ضيوف الله سنين محسوبه
وبأمر الولي مقبول حجك ومبرور= وتفوز بالرحمه وتخشى العقوبه
لبيت للرحمن بالحج وتزور = مسجد رسول الله وتكسب مثوبه
أديت ثم وفيت نور ٍ على نور=حجك صحيح وسالم ٍ من عيوبه
واقبل تحياتي وبأ قول ماجور= ياحاج ترجع بالسلامه وتوبه

الشاعر / حجب بن ردن

حجب العصيمي

صح لسانك وبيض الله وجهك

وتقبل الله منا ومنهم صالح الأعمال

وكل عام وأنتم بخير

وسلامة

صح لسانك

والله يقبل من الحجاج حجهم .

صح لسانك ياحجب ردن


وكل عام وانت بخير

,,

صح لسان شاعرنا الرائع حجب العصيمي

ننتظر جديدك يالغالي

لا عدمناك

,,,,,