أحر المشاعر للشاعر / غالب الشريف

قصيده للشاعر / غالب الشريف



الحق .. حق .. وحرمة المسلم على المسلم حرام ..=
والله يحق الحق .. والدنيا كفالله شرها


وإن ما يقام الحق فالدنيا على الدنيا الــــسلام ..=
تطمس معالمها الحقيقيه ويفضح سرها


والظلم ظلمه .. ما يقر الظلم دين ولا نــــظام ..=
الله يجير الخلق من برد الجحيم وحرهاا


تستنكره كل الرياجيل العزيزين الحشــــــام ..=
اللي على جملة مكارمها يدلك بـرهااا


يابو عيون سود لا يلحقك من يــــمي أ ثـااام .. =
ظلمت منك وذقت من حلو السنين ومرها


ذوقتني كاس عقب فرقاه ما ذقت الــــــمنام ..=
اسهرعلى كوعي وعذبات اللحون آجرها


واسمع صدى صوتك يجاوبني ويرسل لي كلاااااااااام ..=
واستقبل آحر المشاعر منك وأونس حرها


أوّاااااااه .. واحر الغرام .. وحر نيران الـــغرام ..=
له سطوة ٍ تفني منافعها ويبــقى ضرها


ياللي تناصحني .. وتلحقني .. مشاريه .. وملااام ..=
شرهتك سرحها مع الشرهات والا سرها


لي صاحب ٍ حبه سكن فالجسم من بين الــعظاام ..=
له ضحكة ٍ صح الله لسانه ولله درهــا


ان كان ودك صدق تخدمني .. ولي عندك مــقام ..=
وأتشكرك واحفظ لك إجهودك معي وآقرها


وصـّل تحياتي لمحبوبـــي وبلغه الــــسلام ..=
وقله يسلم لي على ديرته.. كانه مرّهـا


منقول من شبكة المرقاب الأدبيه

صح السان غالب الشريف
وصح السانك.
مشكور يااخ فيصل على هذا النقل الرائع
والله يعطيك العافيه ...............

..
.

احسنت الاختيار يافيصل ..
..
وصح لسان غالب ..
تحياتي..

الاخ فيصل

لك كل الشكر والتقدير على النقل الموفق

تحيااااااااااااااااااااااااااااااااتي

صح لسانك ولسان الشريف


اختيار موفق


تحياااااااااااااااااااااااااتي