كـــنا نطالبهم برجعة فلسطين..وليوم ليتهم بحالنا يتركونا

بسم الله الرحمن الرحيم




إخواني أعضاء وزوار منتدى قبيلة عتيبة،،الكرام ،،،،،،
السلام عليكم ورحمة الله وبركاته،،،،،،وبعد

أضع بين يديكم هذه القصيدة للشاعر بندر بدر الرشيدي،،وهوأحد المتابعين
لمايطرحه هذا الصرح الشامخ...







السالفة ماهي على شان برجيـن=ولاهي من اجل مقـردٍ كفرونـا

ابراجهم قد عوضوهـا ملاييـن=واللي بغوا شالـوه ماشاورونـا

السالفة حربٍ على النسل والدين=يالعن ابوهم لـو بيدهـم فنونـا

الغرب يدمرنا من الحين للحيـن=صرنا تحت نيرانهـم حاصرونـا

صارت لهم ساحات يعرب ميادين=وان استمـر اقتالهـم شردونـا

شاهد جنيف وشوف لندن وبرلين=يعمـرون ديارهـم ودمـرونـا

ثرواتهم وانهارهـم والبساتيـن=سابوا نعيم الارض واستوطنونـا

دمر عواصمنا هجوم الشياطيـن=بأحدث عتاد اسلاحهـم جربونـا

اول نطالبهم برجعـة فلسطيـن=واليوم ليـت بحالنـا يتركونـا

اطفالهم في مسرح السلم لاهيـن=واطفالنا فـي بيوتنـا يقتلونـا

أسر وقتل واعدام ناسٍ بريئيـن=لا عدامنا في اعلامنـا بشرونـا

من كثر مانسمع وما تشاهد العين=علـى نفـاد ارواحنـا عودونـا

ان قدر الله واجتمعنـا مسلميـن=لويجمعون أحزابهـم ماهزمونـا

أو قدر الله ووقفت يمنا الصيـن=اقطع يمينـي كانهـم حاربونـا

ياللي تقول تزين ماظنها تزيـن=لوهم يبـون الخيـر ماقسمونـا

السالفة حربٍ على النسل والدين=وان ماجمعنا شملنـا ماجمعونـا





ولكم مني أصدق التحية وأجل الاحترام...


((((((منقوووووووووووووووووول))))))

صح لسانك ولسان الرشيدي


واسمح لي على تنسيقها



وفي انتظار جديدك


ونتمنى منك دعوت الشاعر لانظمام الى كوكبه شعراءمنتدى الهيلا




تحيااااااااااااااااااااااااااااتي

يااااااااااامرحبا بك يابن نعيس ومشكوور على التنسيق

والمرووووووووووووووووووووووووووووووووور