حار بحار والبارده مانبيها

يالربع ابي شاعر منكم يسري القاف لين يقف اليله مانبيه يتعدى الليله انا رجال دخولي للمنتدى نادر ما هو مستمر وماهو على كل حال ادخل بكره الليله حار بحار وانظركم وعجلو لا هنتو




نويت انا اسري على الميدان واغني
واجيب علمآ ليا قلته يجملني
ماني من الي يخيب فيهم الظني
اهل الوفاء والكرم حنا هلا الأول اااااهـ

ياسلام الله عليكم هل الراي السديد=والعلوم الطيبه حظ منهو قالها
ما دخلت المنتدى غير رجل ابغى استفيد=جعل حظي مع رجال وسيع بالها

حياك الله اخوي
وصح لسانك


بس حاول تعدل القافيه في الشطر الثاني من البيت الثاني

الها ايها

شكرآ لك يالفالح


نويت انا اسري على الميدان واغني
واجيب علمآ ليا قلته يجملني
ماني من الي يخيب فيهم الظني
اهل الوفاء والكرم حنا هلا الأول اااااهـ


ياسلام الله عليكم هل الراي السديد=والعلوم الطيبه حظ منهو قالها
ما دخلت المنتدى غير رجل ابغى استفيد=جعل حظي مع رجال وسيع بالها

خلووووووووووووووها استلم



ياللي تحيّزمت وتدور على طرقه
ما دام كبدك على الطاروق منطرقه
مافيه شاعر مانلعب له على طرقه
واهل الوفا والكرم حنا هلا الأوله


ياهلا يامرحبا بالقريب وبالبعيد=دلتك لن سقتها شاربٍ فنجالها
ابشر ابشر والسعد فالبنوك أم الرصيد=لن بغيت اجنيهها وان بغيت اريالها

انته كفو يالحلفي واستمع طرقي
به فرق عن طرقكم والله ابه فرقي
حنا لنا الدار وانتم ليكم الشرقي
اهل الوفا والكرم حنا هل الأوله


البقى ثم البقى فيك يا عبدالمجيد=دلتي فنجالها في فم الي جالها
انتبه رجلك لاتمشي على حام الحديد=ثم تبرك بالحموله بعد تشتالها

الله الله


الحليقي


سلوبودان


صحت السنتكم

بعض العرب قامت اتغير بأساميها
وين انت يوم العرب تعرف عزاويها
ياربعنا ياعتيبه كيف ندعيها
اهل الوفا والكرم حنا هل الأوله


لا تكب التمر ياذيب وتجيب الربيد=العقد ياصاحبي جالها حلالها
نعرف اهل الراي واللي معه صوكة عبيد=الثقيله مالها الا ظهور اجمالها

ابو نهار

ههههههههههه

ارررررررررررررررحب

الليل الليل
شدة حيلكم

وانا في صف ابو فهد الحليفي
ولا يهون سلوبدان

حياك الله يا زبن القاضي


انا من الي ليا احتديت تنخيها
ماخاب منهو تعزو يالولد فيها
وانا لي ( سلوب ) وانا ال (دان) راعيها
اهل الوفا والكرم حنا هل الأوله


والله اني مانويتك هذا العلم الأكيد=مير طحت وطيحتك يافتى يرثالها
يالحليفي وش تبا يالحليفي وش تريد=المعاني فوق راسك رميت جزالها