مجموعة قصائد للشاعر ابن جري

بسم الله الرحمن الرحيم

السلام عليكم ورحمة الله وبركاته
أحب أن أوصل لكم مجموعة قصائد جميلة

اولها قصيدة غزلية

في هجعتك يالليل طال اللقى طال * ودعت ماجمعت بين الحبايب
خليتني يالليل خلي على البال * ان صد يا احمد من عجيب العجايب
تدخلوا مابين قلبين عذال * هذا زمان فيه تلقى الغرايب
تجمع تفرق فيك يالليل الأهوال * تفارقوا يالليل وانت السبايب
العين شاشه والأصابع بجوال * والأذن تسمع والحقايق سرايب
لو قلت ماينفع ولو قال من قال * تلقى الغرايب بين الأطفال شايب
يا ماحلا في هجعت الليل موال * تسمع لها بصوت المغني طرايب

مرثية بحاكم العراق صدام حسين

يغطي سماك العار يابغداد والجلاد * يبينها لك التاريخ لا يمكن يخفيها
جبان حكم أبطالها في قبضة الصياد * ألا كيف الحصاني تفترس وذيابها فيها
تغطت وجيه(ن) خايفه والبطل هداد * غشاها سواد أعمالها عار يغطيها
ألا ياحيف ياصدام مالك بالبلد سداد * يخلي دارها الخضرا حمار الدم يسقيها
لك التاريخ يشهد بالشجاعة عنتر وشداد * ولو ماخاف من قبضة يمينك مايسويها
يعيد بك نهار العيد عيده ماعليه يعاد * ولاتدري ويش الايام تظهر من خوافيها
ألا يكبرها من فعله بدم العار يابغداد * كتبتيها على شط الفرات وماشطبتيها
يصير الحاكم المسيود وينفذ على الأسياد * تبيعون الضماير والعدو يفرح ويشريها

من بادي الليل وافكاري اطاردها * والفجر بان وكشف عن نور الاحزاني
واضحك ويالعين دمعه ماتفارقها * لو غاب له صورة من بين الاجفاني
اعشق ظلام الدجى والعين تعشقها * واسأل دجى الليل يمكن نورها باني
ريمية يتعب الصياد يطردها * بعيونها تجرح الأول مع الثاني
واسأل نجوم الكواكب عن منازلها * تايه ولامن يرد اخبار الاشجاني
والعنق شقر الجدايل كيف حاملها * تطرب ويطرب لها زينات الألحاني

شربت من بحر الهوى ربع فنجال * ضاع الدليل وصافي الفكر حاسه
حفيت اقدامي كثر الاقفى والاقبال * لو الخطر من دون الاحباب داسه
ياصاح مافادت كثيرات الأمثال * مثل الخفير الليل كله حراسه
ياصاح نوم العين غايب وجوال * وهنيت من حط المخده لراسه
الف صباح الخير والعود ميال * والخد يضوي بالدجى تقل ماسه
والف صباح الخير والردف شيال * عليه من نسج الحراير قياسه
والف صباح الخير ياطيب الفال * دربه نظيف(ن) خالي من الدناسه

الشاعر محمد جري صقر الغبيوي

قصائد قمة في الروعة

مشكور وماقصرت على النقل

مشكور على المرور يامحب الهيلا