سلام الله سلاماً وافياً ماناشه العذروب

سلام الله سلاماً وافياً ماناشه العذروب
عليكم ياعتابه من ضميرٍ صافياً وافي
تدور بنا الليالي والقدر واليا حصل مكتوب
بغيناكم وعييتو بدون أسباب ياكافي

صح لسانك يالسيف ,

وصح لسان قبيلك مقدما ً.

الله الله..


صح لسانك...

صح لسانك يالسيف ,

وصح لسان قبيلك مقدما ً.

قادح شرار
صح بدنك يالغالي

هلا يامرحبا ترحيبة نكمل بها الماجوب = عساك مع الرجال الغانمه توفي وتستافي
على الله سيّر اقدامك ترى كل الديار دروب =لكن ليا سريت الليل ولع نورك الطافي

أخوي عبدالعزيز
صح بدنك طال عمرك

ابقاك الله أخوي سلطان واستلم لاهنت


يدوم لك البقا واللي بدع كاسب ماهو مكسوب
بعيداً عن ردى بعض العرب ويجنب الهافي
ياسلطان الجذع ترى الولايه وضعها مقلوب
أمير القوم ذل وشعبه لتصريحه منافي

كنت اتمنى اني لعبت معك يابتاع



صح بدنك



وصح لسان سلطان الجذع


متابع


والطواريق جايه بينا يابتاع يابحر:) اوكي

تبا تلعب على الحدري تبا تلعب على المسحوب!!! =ترى مكسبك يابتاع لن روحت متعافي
بعد ماكبرت النكبه يرووووف الله بالمكنوب =وشئ مايناسبنا اوله تاليه ينعافي

صح بدنك أخوي فهد ولي الشرف طال عمرك

حصيلي خابره من قبل لاأمشي في البلد وأجوب
مع أهل العرف راعي العرف يالاسطوره يشافي
بعد ماكبرت النكبه تبين منهو المغلوب
وانا مااحسبك ترضى بالهزيمه وانته سنافي

صحت ألسنتكم وشعر جميل ومتابعين

صح بدنك ياذيب النفود

حصيلك خابرة واقول ماانت بغايه المطلوب =لو انك فالحرم ياصاحبي تسعى وتطافي
مدام انك تفصل كل ليله فوق جسمك ثوب =طبيعي لو يروحن السمان بعينك عجافي

ههههه

الله الله

الجذع اذا كان طرف فى المحاوره يكون لها طعم خاص


صح لسانك يا سلطان

ولا يهون اخوي بتاع وحياه الله

,,,


ابو زيد انت الي لتواجدك طعم خاااص
الف شكر لك .



,,,

تبي لك واحداً مثلك معسكر دوم في الدانوب
ومن صلى لربه باذن ربي معه ميقافي
نفصلها وناصل للرجال وعلمنا محسوب
يروع ياعميلي قلب راعي المرقد الدافي

ابو زيد ابقاك الله ياطويل العمر

الله الله :)


هدفنا كلٍ رجال ليا واجه يسد النوب =ماهو خبلٍ على الدجه يغني كل محرافي
مدام انك كذا في ذمتي لاعطيك لين تتوب =ابا اشيب رويسك قبل معك أشيب القافي

يبا لك كل ماطالت بك دروبي تخرط الهوب
وانا ادري لو تشد الحيل مانت لمرقبي لافي
أحسبنك ترد العلم وثر زريرك مرتوب
موسم لكن الشرهه على اللي وسم الغافي

الا يالله تسامحني عليّه فالضعووف ذنوب =ليا واجهتهم حملتهم بثقال وخفافي
تحسّب ماتحسّب ماانت من بين العرب محسوب=ترى ماانت بشريف ولاتجي فديار الاشرافي

....


بتاع صح لسانك يامبدع ملايين اشكرك
على اتاحه الفرصه لي .
والى لقاء قادم بحول الله



...

الا يالله تسامح من يحسب ان الشروق غروب
تخبط في الدروب وحاس ربعه والخطا ظافي
اثر بعض العرب عقله نهار الحسم فيه عيوب
على راسه بكفه ياجماعه يسفي السافي

....


بتاع صح لسانك يامبدع ملايين اشكرك
على اتاحه الفرصه لي .
والى لقاء قادم بحول الله



...



صح بدنك يالغالي
وبالعكس طال عمرك انا اللي ازددت
شرفا عندما تكرمت باللعب مع شاعر
بحجمك !!!!!!! لك مني جزيل الشكر