خلوني اسج عن موضوعه احسن لي .. قصه القصيده المشهوره لشاعرنا ابن جدلان

القصــة : هي ان شاعرنا الشاعر
الكبير سعد بن جدلان الاكلبي ..
جاي في يوم من الأيام يخطب عند ناس من القوم وبعد ما بغى يشوف البنت والبنت بغت تشوفه
وإذا هم يتقابلون بالصدفه في حوش البيت وكانت البنت تبي تشوفه قبل انه يشوفها بس الصدف
كانت اكبر من كل شيء وتقابلوا وجه لوجه واذا بالبنت تشوف سعد بن جدلان يعرج ومعاه عكاز
بسبب العكاز اللي معاه ووكأن البنت ماكانت متأكده من انه يعرج بس في الاخير اتضح غير ذلك
وبعدها قبلت فيه بس تعجيز ابوها حال بينه وبينها في الشروط اللي طلبها منه ...

وفي الاخير كتب هذي القصيدة وهذي هي بين اياديكم ::

اتمنى ان تنال إعجابكم ..






ياللي على شان معكازي تبيـن لـي=رجلي على حالها وانا علـى حالـي

والكسر ما هوب في رجلي علي كلي=وانت السبب في الغرابيل اول وتالي

تكفي مراسيلنا العجـلات يـا خلـي=عن مخذ الاخبار والا شوف الازوالي

قلبي وقلبك توصل لك وترسـل لـي=والله انها اشد من موجات الارسالـي

ردن سلامي عليك وجن وقالـن لـي=انك ترحب وانا في خاطـرك غالـي

ليت الغرابيل جتني مـن عـدو لـي=إن ما تقاضيـت والا بيتقاضـى لـي

لكن مـن واحـد ذكـره غنـاة لـي=ما زلت احبه,, وابا احبه ولا ابالـي

لامر طـرق بخدراتـه سـلام لـي=كنه يسلـم علـي بصوتـه العالـي

خلوني اسج عن موضوعه احسن لي=والا الغلا,, والله ان يبطي هو غالـي

منقول

والا الغلا,, والله ان يبطي هو غالـي
ونعم يابن العم والله يعطيك العافية

اللع

شاعر كبير صحيح

مشكووووووووووووووور يالغالي

مشكور ياعبدالله على هذه القصه والقصيده الشهيره لشاعر العرب الجزل بن جدلان

الله عليك يا عبدالله هيضتنا بالسالفه والقصيده بيض الله وجهك وماقصرت وصح السان ابن جدلان

ليت الغرابيل جتني مـن عـدو لـي
........ إن ما تقاضيت والا بيتقاضـى لـي
لكن من واحـد ذكـره غنـاة لـي
....... ما زلت احبه,, وابا احبه ولا ابالـي




الله ..


صح لشان الشاعر الكبير ..


عبدالله .. سرد رائع .. لا هنت ..

يعطيك العافية على الموظوع .... القصيدة فيها بيت مؤثر


[صورة غير متوفرة]

اهلا بكم وسهلا يالغالي

منورين الجميع بدون استثنااء

لاخلا ولاعدم


محبكم

,

مشكووور يا عبدالله


بصراحه القصه جميله ومؤثره

وابن جــــــدلان شعره يهيض


بيض الله وجهك يابو عابد

العفو ياابوطلال

وبارك الله فيك على الرد الجميل

محب
,

عبدالله هذا يدل على ذوقك الرايع الله لا يهينك ويعطيك العافيه

قصيده رائعه من شاعر فحل لاهنت يا عبدالله على النقل الرائع

صح لسان الشاعر الكبير ابن جدلان ..

يعطيك العافيه ياعبدالله .. وكل الشكر على ايراد القصه والقصيده

كل الود والاحترام

عبدالله هذا يدل على ذوقك الرايع الله لا يهينك ويعطيك العافيه

ابن صنهوت حياك ربك وبياك

منور يالغالي

الله يسلمك على الاطراء ولاهنت

محبك
.

قصيده رائعه من شاعر فحل لاهنت يا عبدالله على النقل الرائع

ولاانت يالغالي

حياك يابوفايح

منور

محبك
,

صح لسان الشاعر الكبير ابن جدلان ..

يعطيك العافيه ياعبدالله .. وكل الشكر على ايراد القصه والقصيده

كل الود والاحترام



هلا والله وغلا

ابن هضلا كيف حالك

منور والشكر موصول لك يالغالي


محبك
.,