مرحبا من قول شاعر
عطاوي19-Jul-2009, 09:57 PM
مرحبا من قول شاعر والمعاني في خفاها
بالكريم بن الكريم اللي يحل اعتى المعاني
ويش رايه في زعيم(ن)كلمته يكشف غطاها
والبشر فيها الشقا والعلم عود علم ثاني
سراب اللال19-Jul-2009, 10:22 PM
البقى قبل لاتخطي هواجيسي خطاها
ماقصـدت الشـر لني دايم(ن)للخير عـاني
والزعـيم الـلي فتح باب للجـبهه يبـاها
البشر ماهي سوى لو تشابه في البياني
هــذي اول مشــاركه وحبين اقول لك يا عطاوي اذا كان المقصود بالمحاوره شخـص معين العذر والسموحه لان هذي اول مشاركه لي وان كانت الدعوه عامه الله يجملنا
عطاوي19-Jul-2009, 10:33 PM
البقى من قبل لاتخطي هواجيسي خطاها
ماقصـدت الشـر لني دايم(ن)للخير عـاني
والزعـيم الـلي فتح باب(ن)على الجـبهه يبـاها
والبشر ماهي سوى لو شبهوهافي البياني
-------------------------------------------------
تعديل بسيط في ابياتك حتى تكون على وزن الطاروق
وحياك الله اخي سراب الال
وانتظر الرد مني الأن
واعتذر منك على تعديل ابياتك
سراب اللال19-Jul-2009, 10:35 PM
بانتـــظارك واعتقــد ان الطاروق ماهو لازم نفس عدد الكلمات لاني لحنت ابياتك وجات مع لحن لو تشابه
على العموم الله يوفقك وفي انتــظار الرد من شاعر قرم .
عطاوي19-Jul-2009, 10:56 PM
اشرب ازلال(ن)من الجم الغزيروصفوماها
من بغى ينظر قمر خمسة عشر لناس باني
انتبه للقول والمحصول يطحن من رحاها
في البلدوانظر بعينك واكشف السر بثواني
سراب اللال20-Jul-2009, 01:10 PM
ماتعودت الخطا والنفس ماتعرف (عداها)
والعيون اللي تشوفك ماتبا فالناس ثاني
الرجا فاللي علومه دايم(ن) للخير جاها
والكرم دايم طبيعه للخوي اللي دعاني
عطاوي20-Jul-2009, 02:26 PM
صح لسانك ياسراب الال
والبارح انتظرتك اكثر من ساعه
ولكنك تأخرت بالرد
على كل حال استلم رد ابياتك
والله انا مارغبنا سلعة(ن)محد(ن)شراها
صاحبي فاقد صوابه ويتكلم باللساني
لاتقوله يالعليل وعللتك صعب(ن) دواها
اثرخصمي عللته تبقى على طول الزماني
سراب اللال20-Jul-2009, 02:54 PM
سلعة(ن) للخير دايم يطرد التاجر وراها
نتبع الخير الاكيد وننتبه في كل شاني
والعليل اللي تقوله ماتعدا في مداها
ينتظر فالناس منهو ينتبه له في مكاني
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
