الله يحييك قلط عندنا مير الغدى ماش
أبن حشيان11-Oct-2011, 04:41 PM
اخواني الاعزا جبت الى اعرف من هذه القصيدة
علماً اني لاعرف حتى قايلها فمن يعرف قايلها والباقي منها فلايبخل علينا بالمعلومه
الله يحييك قلط عندنا مير الغدى ماش *** وراك يومنها راحت مواشينا تجينا
انــته تعــرف ان نــقذتنــا فــالادبــاش *** حليبها للـكرام وسـمنها للغانمينا
محمد الذيابـــي11-Oct-2011, 04:44 PM
,,
الله عليك يابن حشيان
اسمع بهذا البيت منذ 25 عاما ولا أعلم عن قائلها
لاهنت,,,,,
أبن حشيان11-Oct-2011, 04:50 PM
الله لايهينك
يابو عساف يقولون انها رديه بين ثنين رجل وخاله
وان البناخي رد عليه بس ماعرف رده
محمد الذيابـــي11-Oct-2011, 05:02 PM
,,,
سأكثف البحث عنها إنشاء الله
,,,
علي الثبيتي11-Oct-2011, 05:28 PM
اخواني الاعزا جبت الى اعرف من هذه القصيدة
علماً اني لاعرف حتى قايلها فمن يعرف قايلها والباقي منها فلايبخل علينا بالمعلومه
الله يحييك قلط عندنا مير الغدى ماش *** وراك يومنها راحت مواشينا تجينا
انــته تعــرف ان نــقذتنــا فــالادبــاش *** حليبها للـكرام وسـمنها للغانمينا
هاذي الابيات للشيخ ابن عضيب السلمي وبناخيه
والشايب الله يطول بعمره حافظها
وعن قريب اجيب لكم قصتها وبياتها
سلطان قومه11-Oct-2011, 11:36 PM
في انتضار الابيات كامله
سلمتم على التعاون
فيصل مطر12-Oct-2011, 12:38 AM
الله يحييك قلط عندنا مير العشاء ماش=انته علامك بعد راحة مواشينا تجينا
ارزاقنا ياحبيب الله مغير الي فلادباش=ارقابها للحشام ودرها للغانمينا
الشاعر/عازمي روقي عتيبي أوان حبيب الله عازمي
وخصمه وقايل الابيات هاذي سلمي مثل ماقال علي اناماستبعد كلام الاخ علي الثبيتي
والله اعلم بالصواب وانت شغله يابن حشيان
متعب الند12-Oct-2011, 03:23 PM
دمتو .......... و لاهنتو ......................
يوسف العازمي16-Oct-2011, 11:16 AM
هذي و الله العاالم قصة من أنتاج برنامج البادية على وقت ابن شلاح
بأن رجل اسمه دخيل الله زار خاله و كان حلال خاله مسرحه و ما عنده اللي يغديه
و أن دارت هذه الأبيات بينهم
الله يحييك قلط عندنا مير الغدى ماش=انته علامك بعد راحة مواشينا تجينـا
ارزاقنا يادخيل الله مغير الي بالأدباش=ارقابهـا للحشـام ودرهـا للغانمينـا
و رد عليه بناخيه قائلآ
دام البقاء و العذر ما يصلح على ماش=ما يصلح إلا على الفنجال و الكبش السمينا
و العذر ما يصلح إلا مع ردي الخال و اللاش=اللي هو و الحليلة بالنظر متوافقينا
و الأبيات أذا ما خانتني الذاكرة دويتو بين أبو مشعاب و الجبرتي .. و مدري من البادع
و سلامتكم
أبن حشيان27-Nov-2011, 10:49 PM
سلطان قومه:
متعب الند / ابو حاتم:
يوسف العازمي:
والله العالم انه ماحد يدري عن قايل هذه البيات
ولاكن ابجيب بيت رد يقولون انه من ضمن المحاوره الي دارت في المناسبه نفسها
العذر ماينفع الاء في ردي الخال والاش*** والاكريم الرجال يقدم الكبش السمينا
ويقول احد الزملاء ان ابوه يعرف الرجلين المتحاورين وانه يبى تسله عنهم ويجيب العلم المكد،،،،،،،،،،،،
السلمي العدناني10-May-2012, 04:58 AM
هذي الابيات لمطلق ابن عضيب المطردي السلمي وهو قاضي بني سليم قبل الحكم السعودي واحد السبعة النكرية عند بني سليم .
وهو من قرابتي رحمه الله مات قبل اكثر من 100 سنة تقريباً
أبن حشيان10-May-2012, 03:26 PM
هذي الابيات لمطلق ابن عضيب المطردي السلمي وهو قاضي بني سليم قبل الحكم السعودي واحد السبعة النكرية عند بني سليم .
وهو من قرابتي رحمه الله مات قبل اكثر من 100 سنة تقريباً
السلمي العدناني
مرحبي ومسهلا الله ينور بصايرك والقيصدة وردها قد سمعتها من الناس المتقدمين بالسن
ومن ضمنهم فايح ابن صنيتان الطر المرشدي
والصيدة لانسمع منها الاهذا البيتين ونعلم غيرها تكمله ام لاء
أبن حشيان10-May-2012, 03:31 PM
قهذي الابيات لمطلق ابن عضيب المطردي السلمي وهو قاضي بني سليم قبل الحكم السعودي واحد السبعة النكرية عند بني سليم .
وهو من قرابتي رحمه الله مات قبل اكثر من 100 سنة تقريباً
السلمي العدناني
مرحبي ومسهلا الله ينور بصايرك والقيصدة وردها قد سمعتها من الناس المتقدمين بالسن
ومن ضمنهم فايح ابن صنيتان الطر المرشدي
والقصيدة لانسمع منها الاهذا البيتين ولانعلم غيرها تكمله ام لاء
يقول فيها:
الله يحييك قلط عندنا مير الغدى ماش *** وراك يومنها راحت مواشينا تجينا
انــته تعــرف ان نــقذتنــا فــالادبــاش *** حليبها للـكرام وسـمنها للغانمينا
ورد عليه بناخيه يقول
العذر ماينفع الا في ردي الخال والاش *** والاء كريم الرجال يقلط الكبش السمينا
اخي ارجو ايذا كان تعرف لها تكمله لاتبخل علينا بها؟؟؟؟؟؟؟؟؟
