طويق الحافي

قصيدتي في حفل طويق الحافي







حنت تباشير الفرح والسعد لاح=في مزنة على الحفر مدلهمه.
تجمعت فيها الخساير والارباح=كم واحدن منها يكبر معمه.
على كثر ماجاء المزاين وماراح=ياقل شي يلفت العين يمه.
لو يمه البدوان مسرى ومسراح=والكل موضوع الجوايز يهمه.
اليوم جتكم وضح كساب الامداح=على منافسها سوات المطمه.
قدامها العتبان مهدين الارواح=في ساعة فيها الهوايل ملمه
مصبحتهم قبل فلاج الاصباح=فيها على الذيدان زومه وزمه.
حسادها كم تضرب الراح بالراح=ماهيب محمومه لكن مستحمه
ماجابها للعرض من شبك فلاح=يرعابها المنعور في كل يمه.
يسوقها مع ساقة الغيث لاطاح=واليوم جاكم جعل ربي يتمه.
مرهي على الاول وضامن ومرتاح=بتوفيق جلاي الامور المهمه.
طويق بن مقعد يزحزح ماينزاح=مادام فالتقيبم امانه وذمه
شال العلم مع درب الاسلاف ماطاح=متنقل من راس قمه لقمه.
طويق طيبه مع هل الطيبه فاح=من دونها ماحط راسه بكمه.
كساب قول ونعم من كل مداح=درس" من جدوده مع الوقت صمه.
حر" طليق حجاح وجناحه جناح=تصعد عزومه بين هامه و همه .
ماحط دون الباب ضبه مفتاح=المال مهما زاد ماهوب همه.
عد "تصدر جمته كل مياح =لزادوا الوراد يزداد جمه.


وسلامتكم

صح لسانك ي مرشدي واهل البل يستاهلون

,,


صح لساانكـ يالمرشدي.


وطويق يستااهل,,

صح لسانك اخي ناصر
ويستاهل الممدوووووح
وفاله الفوووووز انشاء
الله تعالى هو ومشاركي
القبيله تقبل تحياتي