انا شاعر وحاكم

اسعد الله اوقاتكم ..

من له شف .. يقلط على هالطاروق


انا شاعر وحاكم ضمن حكّام الشعر والبيت = والي دوله عظيمه وليَ هيبه عند خلق الله

واحمد الله كل اوقاتنا واليا بعد صليت = على نعمته واللي خالق ً قلبي بلا ذله

الا يالشاعر اللي جيتنا يامرحبا وان جيت=يجيلك شاعرٍ يشرب جزالة شعر فالدلّه
واحمد الله على فضله يهاديني ليا ضليت=واحمد الله على فضله وسيفي سلّته سلّه

الحق الصلاه ولي عوده بأذن الله

يدوم الك البقا واعرف ليا من جيت ماقفيّت = وصحيح انك جزل لاكّن مانضمن لك الزله
نبا نحطك مع الفرسان فاول صف يابا الفيت = وسل السيف واضربهم وحيلك شده وتله

سيوفي يامحمد ماهي سيوف الوغى سليت=ولاني قاصرٍ عن راعي الهيّه ولا غلّه
لي سيوف الجزاله تبري العلّه ليا طبيت=ليا مريت لي قوم تجيب الهزل والعلّه

طيب طيب :)



ماتدري ان المصيبه مانفع معها ياليت وليت = وش تسوي ليا جاك الغبي والدرب مادله

اقول ان المكاين عايشه في وقتها بالزيت = وهذي طيبه وهذي رديّه ولا لها مله

ياكثر اللي يودون المصايب وانت وش خليت=ذكرت النا مصيبة واحدٍ في راسه الخلّه
ولكنّي مهندس للمكاين مامشي ترانزيت=مشيت ولا تعديت الدروب الطيبه للّه

هههههههههه
ياسلام ياسلام




انا فالوقت ماخليت الي ماقف ولا هجيت = وانا ماقصد سوا ناسً مسويتن لها شله

ولا يابش مهندس ليتهم ماخطو على اهل الصيت = ومن زوّر لنا التاريخ خله فالوهم خله

وانا والله اشوفك يامحمد بالكرم غِطّيت=ولكن لاتمرر لي شريط القول وتفلّه
والا ياباش مشاعر ليتهم فدوتْك لااحترّيت=على قولة خلف هذال سواة مجمّع الجلّه

ولد العم تشررفت باللعب معك ولكن الدوام قرّب وابستعد له

تحياتي القلبيه لك يالذيب:)

اضد القوم بحزامي واسل السيف يم الهيت = ولا يافكرتي فاللي يهددني وانا ظله

نهاية طرقنا بنشدك كيف اصبحت كيف امسيت = عساك بخير والله يرحم اللي مفارقً خله




صح لسااانك يامخلف الهقااوي


وبالامانه استمتعت باللعب مع شاعر مثلك .. وبيض الله وجهك



والفائده لي طال عمرك ..


واذا تبي تختم عقب الدوام على كيفك



وموفق يالغالي

اضد القوم بحزامي واسل السيف يم الهيت = ولا يافكرتي فاللي يهددني وانا ظله

نهاية طرقنا بنشدك كيف اصبحت كيف امسيت = عساك بخير والله يرحم اللي مفارقً خله




صح لسااانك يامخلف الهقااوي


وبالامانه استمتعت باللعب مع شاعر مثلك .. وبيض الله وجهك



والفائده لي طال عمرك ..


واذا تبي تختم عقب الدوام على كيفك



وموفق يالغالي

صح بدنك وصح لسانك يابن العم

واستفدت من اللعب معك طال عمرك:)

واستمتعت:) واللي تبيه حاضر به

ولنا لقاء في وقت ثاني يالذيب

موفق للخير يالغالي:)