الملــــك عبــد اللـــه

لاإله غيرالواحد اللي لنا رب = رب عظيم مارجينا بديله
أسبحه وأتوسله وأتطلب = أدعيه وأسجدله بنفس ذليله
أرجيه بالدنيا وفموقف الكرب = أنه ينجيني منجي خليله
منجي يوسف من الغدر والجب = منجيه من عوجا طويل نثيله
أمرك علي نافذ وأنا باتسبب = يامن بيدك أسبابها والوسيله
وبعد الولي أسندتها للمجرب = عبدالله اللي يرتكي للثقيله
ملك علا صعب المواقف تغلب = محنك رايه براسه دليله
الوايلي اللي عقاله علا جنب = اللي عقاله من الطنا فيه ميله
دخيلكم يالقايد العادل الأب = تحل وضع مامعي فيه حيله
تكفاوتكفا قم بها يابومتعب = حمل علا متني دخيلك تشيله
هذه عشروست سنين وأناتعذب = وأنتم سبب ماصابني وتعليله
كيف العمل ياسيدي صارمقلب = من قصتي رجل الأمن هد حيله
خادمكم اللي قصته يوم تكتب = صارت يخبرها الزميل لزميله
لأجل عملكم كيف أنا أهان وأكب = ليتك دريت بقصه مستحيله
واليوم ياللي للمهمات منصب = الحمل جار وهقوتي ترتكيله
وأنا مضيوم وأنخاك وأندب = أنا دخيلك يا مزبن دخيله
أناوقعت وحكمي السيف الأحدب = ولاعاد تنفعني شيوخ القبيله
وراي شيبان لشوفي ترقب = كبار سن وحالهم ينبكي له
اليوم كان ابو الشعب لي تجاوب = وبأمرالولي عدا السيوف الصقيله
و ختامها مني سلام مرتب = يناصاك ياملك الوفاء والفضيله

شعـــر / محمد بن دحيــم عبيــان الدوســـري

الله يفك كربتك وابو متعب ابو الجميع

وانشالله توصله القصيده

اللهــم اميــن

شاكر لك على المروور اخوي الشنباوي

...
.
صح لسانك

صح لسانك
وبيض الله وجهك
والهه ماقصرت