الشاعر اللي وده يلعب يتقدم00
نايف بن ملحق الثعلي19-Nov-2007, 09:24 PM
يا مرحبا والليل يا شعار توه ما سرا=والشاعر اللي في ضميره سالفه يبديبها
حنا ليا منا مشينا الدرب ما نرجع ورا=والكلمه اللي قلتها كل العرب تدريبها
سلمان الروقي19-Nov-2007, 09:29 PM
نايف الروقي راجع بيتك لوتكرمت
نايف بن ملحق الثعلي19-Nov-2007, 09:43 PM
مشكور يا سلمان الغلط مطبعي
جاري التعديل وواصل معي فالطاروق لاهنت
علي فلاح العضياني19-Nov-2007, 09:47 PM
الله يا نايف الروقي
ابيات جميله
وفي انتظار الشاعر المقابل
نايف بن ملحق الثعلي19-Nov-2007, 09:50 PM
مرورك الاجمل اخوي الفالح
شاكر لك مرورك00
معجب العتيبي19-Nov-2007, 09:52 PM
دام البقا ياشاعرن مبداه في طلعة كرا=يبغا العلوم الطيبه والطيبه يحريبها
هات السوالف ياعميلي هاتها مما طرا=واحذر يابن روق العلوم الثانيه تسريبها
عيد العازمي19-Nov-2007, 09:52 PM
لحن الرديه
الله
الله
نايف مبدع
كان ودي لكن سلمان الظاهر جاهز
معجب العتيبي19-Nov-2007, 09:55 PM
والله مدري فيه احد رد والا لا
انتم تمشون على دي اس ال وانا مع الدايل اب ومتوهق دايم اجي متأخر هههههههههههه
اذا في احد رد لاهنتوا علموني اسوي تعديل واحذف المشاركه
$ الحــيــران $19-Nov-2007, 10:03 PM
عساكم على القوه
متابع الليل يانايف وسارح لاهنتوا
الـثـقـفـي19-Nov-2007, 10:04 PM
والله اني رديت ياعتابه ولا شفت رد(سارح البل )ويوم اعتمدة المشاركه وشفت الرد وحذفت المشاركه ,,,وتقبلو مروري ,,,مره ثانيه انشاء الله
,,,(ابن عمكم (عزيز الثقفي)
وباركولي تم الترقيه من عضو فعال الى عضو فضي باركولي
نايف بن ملحق الثعلي19-Nov-2007, 10:05 PM
لا هنتو يا شعار لكن المطلوب سلمان الروقي
معجب العتيبي19-Nov-2007, 10:09 PM
العنوان يقول الشاعر اللي يبي يلعب يرد
واول بيت النداء للشاعر
وبعد ماتعب ثلاثه وردو تجي وتقول المطلوب سلمان؟
بدري ياشيخ عسى تقرصك ناموسه براس اصبعك الصغير وتحكك ربع ساعه هههههههههه
الله يقويكم وراح اعدل المشاركه اعلاه
سلمان الروقي19-Nov-2007, 10:10 PM
دام البقاء والليل يانايف ترى قدمك كرا=اطلع كرا يابن العرب حتى تجاور ذيبها
يلي هبطت السوق وسط السوق بيع ومشترا=اختر حدا الثنيتين ياتبتاع ياتشريبها
معجب العتيبي19-Nov-2007, 10:11 PM
ارجو حذف المشاركه انتهت مدة التعديل
نايف بن ملحق الثعلي19-Nov-2007, 10:11 PM
ههههههههه اول ما رد سلمان صح
وانت شفته
يعطيكم العافيه كلكم
نايف بن ملحق الثعلي19-Nov-2007, 10:21 PM
يا صاحبي سلمان هات اللي على بالك طرا=الاوله فاتتك يا رجال ما يمديبها
ماعاد باقي معك حيله كان جرحك ما برا=بنت الهوا ما كل شاعر جاء يصير صحيبها
سلمان الروقي19-Nov-2007, 10:34 PM
الاوله من حظنا علم بها اللي مادرا=عشان بكره يالعتيبي ماحدن يشقيبها
بنت الهوى ماتعشق اللي لابس(ن)لبس احمرا=ينصب لها باللبس والغتره لها يوميبها
نايف بن ملحق الثعلي19-Nov-2007, 10:47 PM
انا سبقتك يا وسيع العرف وابليس اعورا=ياراعي البندق بدون عيار لا ترميبها
نقرى عليك الراجفه والفاتحه والم ترا=انته تهقوى هقوتك يا صاحبي يا طيبها
فلاح الهاجري19-Nov-2007, 10:50 PM
نايف بن ملحق الثعلي19-Nov-2007, 10:55 PM
هلا بك اخوي فلاح الهاجري
ولي الشرف انك في صفي
لاهنت على المرور
ودمت بخير00
سلمان الروقي19-Nov-2007, 11:05 PM
انا عروقي فالثرا وانته عروقك فالثرا=لكن يانايف تركد قبل لاتسريبها
اقرء على اللي معك فالمشرب وفالزاد اخشرا=اللي مع الصفره على طول السنه تهليبها
نايف بن ملحق الثعلي19-Nov-2007, 11:22 PM
جتني رساله واضحه للي كتب واللي قرا=وا شيب عينك ساع جاك اللي تبى وشيبها
ياراعي الطايف كشفت السالفه في ام القرا=واثرك يا رجال من زود الغبا راضيبها
سلمان الروقي19-Nov-2007, 11:49 PM
حسبي على اللي يفضحون السر لناس اجهرا=خلت قلوب ٍ خايفه تهدا بعد تعذيبها
راع الصميل اللي يشيله فوق متنه وانفرا=قله ترى بعض الدير خطرن محد يمسيبها
نايف بن ملحق الثعلي20-Nov-2007, 12:04 AM
جبتوا لكم قصه غريبه كل ما رد البرا=الناس في كل الدير يا اصحابنا تحكيبها
ماعاد تدري وش تقول ارتاح في بيت الذرا=ترى بيوت الشعر غيرك شاعر ايغنيبها
سلمان الروقي20-Nov-2007, 12:17 AM
معجب العتيبي20-Nov-2007, 12:57 AM
ابدعتما
ماشاء الله تبارك الله
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
