المشرف العام (المدير) مرزوق العتيبي
معجب العتيبي08-Dec-2007, 06:15 PM
ابو محمد شرفنا بهالطاروق لاهنت:
ياسلامي عليكم من صغير وكبير=يعني القائمه مشمولةٍ كلها
اقبلت عشر ذا الحجه وغاب الكثير=يامدير اعرف الاسباب وافطن لها
السميــــــري08-Dec-2007, 07:27 PM
يامدير اعرف الاسباب وافطن لها
يامدير اعرف الاسباب وافطن لها
يامدير اعرف الاسباب وافطن لها
صح لسانك ياسارح البال ..
مبدأ رائع ..
وننتظر ابو محمد ..
مرزوق حمدان العتيبي08-Dec-2007, 07:38 PM
...
ايرك الساعه يابحر واستلم
.....
مرحبا يالمسلم من هجوس الضمير = كل كلمه ترى صاحبك صاح لها
يابو سلطان باقي فالبلد كل خير = مير شل الحمول الكايده شلها
مرزوق حمدان العتيبي08-Dec-2007, 07:39 PM
..
.
صح بدنك يالسميري
والروعه حضورك ياسنايدي
.....
السميــــــري08-Dec-2007, 07:39 PM
مير شل الحمـول الكايـده شلهـا
مير شل الحمـول الكايـده شلهـا
مير شل الحمـول الكايـده شلهـا
ابو محمد صح لسانك ..
يامبدع ..
متابع لكماا ..
واصلووا ..
ناصر الجلاه08-Dec-2007, 07:41 PM
..
سارح البال
..
مرزوق العتيبي
..
صحت السنتكم يالغااالين
واصلووووا متابعين
..
مرزوق حمدان العتيبي08-Dec-2007, 07:44 PM
...
.
السميري لك الشكر مدرار
نسعد ونبتهج بمتابعتك
...
المبدع ناصر صح بدنك يالغالي
تشرفنا
....
الليل يابو سلطان
.....
معجب العتيبي08-Dec-2007, 07:57 PM
البقا ياعساه يدوم وانت المدير=يامديرٍ يتابعها ولا ملّها
البلد والرعيه ماشيه فالمسير=والأمين المميز عارفٍ دلها
معجب العتيبي08-Dec-2007, 07:59 PM
السميري وناصر الجلاه
شرف عظيم مروركم ومتابعتكم
شكرا
مرزوق حمدان العتيبي08-Dec-2007, 08:15 PM
كل شي ٍ مع اعزوم النشاما يصير = ذروة المجد نرسمها وناصلها
وانت سارح وفي يمناك سيف ٍ شطير = دون ماقفك ياوجه السعد سلها
معجب العتيبي08-Dec-2007, 08:27 PM
النشاما تعرضهم حسود وخشير=كل منهم قضيه ودي احلها
وسيفنا مانسله غير وقت المغير=والديار ان بغيت اقوم واحتلها
مرزوق حمدان العتيبي08-Dec-2007, 08:46 PM
الرحى ياقوي المعرفه تستدير = وانت تعرف دقاق الهرج من جلها
وينك العام يوم ان الجماجم تطير = وابن عمك يحد القوم ويذلها
سلطان الجـذع08-Dec-2007, 08:48 PM
وسيفنا مانسله غير وقت المغير
والديار ان بغيت اقوم واحتلهـا
خطير ياسارح البال خطير
وينك العام يوم ان الجماجم تطير
وابن عمك يحـد القـوم ويذلهـا
لله درك
واصلوا واصلوا ...متابع
معجب العتيبي08-Dec-2007, 08:59 PM
لابغينا المَعَرفه ماطلبنا شوير=وان جهلنا قطعنا قلوب ونعلها
عام الاول لأبن عمي وكان السفير=واشهد ان المواقف كان كفوٍ لها
مرزوق حمدان العتيبي08-Dec-2007, 09:14 PM
لاتحاول تبرر بالكلام المثير = وانت مابك خلاف وكنت قدٍّ لها
يالعتيبي تجهز للطريق العسير = فيه ناس ٍ نطمّعها ونحبلها
مرزوق حمدان العتيبي08-Dec-2007, 09:24 PM
...
.
ارحب ياسلطان ... تو نورت الصفحه
...
ولاتقاطع يهمنا تواجدك
:)
معجب العتيبي08-Dec-2007, 09:30 PM
مانلت ونعيد ولانسوي عصير=ماتغيب الحقايق وانت راويٍ لها
ان بغيت السباحه وان بغيت المطير=والله اني حزامك والعدا اغلها
معجب العتيبي08-Dec-2007, 09:52 PM
سلطان الجذع
الخطوره في مرورك ماودنا تشوف الا اللي يرضيك
والفائده تأتي من نصائحك وكلماتك
عيد العازمي08-Dec-2007, 09:57 PM
سارح البال والمشرف مرزوق
ابداع ومناقشه قيمه ونادره
لاهنتو وبيض الله وجيهكم
مرزوق حمدان العتيبي08-Dec-2007, 09:57 PM
اعرف انك كفو في برد ولا هجير = رفقتك ياسليل المجد ماملها
ماروى من ورد للعد حبله قصير = مير فل الحبال الطايله فلها
مرزوق حمدان العتيبي08-Dec-2007, 10:07 PM
..
.
الله يبيض الله وجهك يابن عاصي
.. شرفتنا في ذا المكان ...
معجب العتيبي08-Dec-2007, 10:24 PM
ماعليكم قصور .ومابغيتوا .يصير=تَعرف حقوق ابن عمك وتدلها
عند قرع الطبول وعند وقت النفير=تظهر فعول من جاها وعاننلها
مرزوق حمدان العتيبي08-Dec-2007, 10:27 PM
تظهر فعول من جاهـا وعاننلهـا
تظهر فعول من جاهـا وعاننلهـا
تظهر فعول من جاهـا وعاننلهـا
الله عليك صح لسانك يابحر ... واعذرنا على القصور فديتك
..
استمتعت بماقضيته من الوقت مع شاعر بحجمك
..
اخوك
...
معجب العتيبي08-Dec-2007, 10:36 PM
ابو محمد وين حنا وين انت؟
والله انا نقاديها بس نبي نجملها معك ونلعب باعصاب هههه
ماشاء الله عليك
بصراحه اللي يلعب معك ولايستفيد بصراحه مالعب
شكرا شكرا على اتاحة الفرصه
محب الهيلا08-Dec-2007, 11:34 PM
ماله امان09-Dec-2007, 01:23 AM
ههههههههههه
صح لسان سارح البال ومرزوق
ههههه ومن الواضح ان سارح البال مهوب عتيبي (طافت يامرزوق)ههههه
تمعن بيته000
اقبلت عشر ذا الحجه وغاب الكثير=يامدير اعرف الاسباب وافطن لها
دريد ابن الصمة09-Dec-2007, 03:09 AM
سارح البال ...
صح لسانك وبيض الله وجهك ...
مرزوق العتيبي ...
صح لسانك يا مدير وبيض الله وجهك ...
معجب العتيبي09-Dec-2007, 09:43 AM
دريد ابن الصمه لاهنت على الحظور طال عمرك
ومشكور
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
