قصايد منوعه لشعراء مميزون

في كل ديره لي ربوع ورفاقه"=

أرافق الطيب ولو هو من القوم

أربط مع الطيب شروط الصداقه"=

من العرب والا من الفرس والروم

والنذل مابيني وبينه علاقه"=

حتى يجي بعلوم ويروح بعلوم

منافقيآ مايخــــــلي نفاقه"=

مايفسد الساحر سنه يفسده يوم


الشاعر / خلف بن هذال العتيبي






ياعين ياللي مطاولها السهر وامست مريضه"=

أزريت اميز وجعها هو رمد والا هزومي

يازين ماجيت ادور عندكم شرع وفريضه"=

أضفوعليه جناح الثوب من يم السمومي

يابو جديلآ على الامتان يامحلى نفيضه"=

الى نفضهن جميل الزول من عقب اللمومي

كن العواتق رقاب المزن ليا قفا قضيضه"=

والا القمر بالصحاه إلى انجلت عنه الغيومي

الشاعر
مخلد القثامي العتــــيبي






لاضاق صدري بزعجك واتصل فيك"=

والله يعينك كل ماضاق صدري

لاتساليني لاتقولين وش فيك"=

يابنت انا عن حالي اليوم مدري

خليني اسلى واتسلى واسليك"=

يمكن عسى الضيقه مع الوقت تسري


الشاعـــــر
خالد براق العتيبي




ياصاحبي خذ كلمة مابها ريب"=

من واحدٍ ماكنها في ضميره

من عاشر الطيب يحده على الطيب "=

وان قل زينه كف شره وخيره

ومن رافق الخاسي تبين عذاريب"=

مــرت عليه الطايله والقصيره

الشاعر
بندر بن سرور العتيبي





-

الأخ /خالد العصيمي

دائما وأنت متميز

نشكر على نقل هذه القصائد المميزة

فأتحفنا دائما بتحفك الجميلة

أخوك / حسان

الاخ حسان

مشكور على مرورك الطيب

وحنا حاضرين للطيبين وللهيلا

نسال الله التوفيق في مانقدم


-

تسلم يالذيب

العصيمي
جزل وماتجيب الاالجزل
الله لايهينك

تسلم

ياوصل

الاخ ((الدلبحي))

مرور معتاد منك

الله لايهينك

لك فائق تحياتي

تسلم ياخالد العصيمي

بيض الله وجهك ... ودائماً متعودين منك التميز


تحياتي

الاخ ابو وعيل

مشكور على مرورك المعتاد

لك اجمل تحيه