القصيده للشاعر خالد مقبول العصيمي

بين خالد بن مقبول العصيمي و محمد العصيمي
هذه القصيده للشاعر خالد مقبول العصيمي
وهي مرسلة للشاعر محمد بن حويل العصيمي
والتي يشكو فيها من مرارة الاصحاب واختلافهم
في هذا الزمان
حيث يقول : -
"]

وصّلوا عنـي تحيـه وردوا لـي سـلام=في بيوت اشعـار مـن هاجـس ٍ غنّابهـا
وانقلـوا عنـي مكاتيـب وأولهـا اهتمـام=من ديار ٍ كن صف الرصـاص هضابهـا
غرب حضن المرتكي شرقي ّ البيت الحرام=طيّبوهـا مـن ورود الـهـدا باطيابـهـا
طيّبوها الورد والفـل مـع نسمـة غمـام=وارفقوا شمع العسل مـع غـلاف كتابهـا
وان تمثنت نجد يرقصلهـا نبـت الخـزام=والدلال اللـي مـن الزعفـران خضابهـا
أنقلوهـا واوصلوهـا بقيمـه واحـتـرام=حـيّ مـن ودّا سمـان العلـوم وجابهـا
واوصلوها شاعرِ ٍ مـن رفيعيـن المقـام=ولـد عـم ونعـم ابلحيـتـه وأشنابـهـا
تلفي ابن حويـل فـي حلتـه دامـت ودام=حلـة ٍ فيهـا الكـرم والوفـا يلقـى بهـا
حلـة ٍ فيهـا المطاليـق والربـع الكـرام=عـاش مـن عـلاّ بناهـا وكبـر بابـهـا
الدلال تسـاق والطيـب يمشـي بأنتظـام=دلــة ٍ للكـيـف مايتـكـي صبـابـهـا
في محل مهنـدس الشعـر نقـاد الكـلام=سلموه بيوت الاشعـار وهـو اولـى بهـا
بيت عـرف ٍ ماتغيـر وراسـي مايضـام=والنشامـا طيبهـا مـن قديـم انسابـهـا
ذاع صيته في جنـوب البـلاد وذاع شـام=يوم بعض النـاس تفنـى ولا يـدرى بهـا
وجرب الدنيـا والايـام عـام بعـد عـام=كل علـة فـي كتـاب الطبيـب اطبابهـا
يامحمـد خاطـري فيـه ضيقـه والتطـام=شايـف ٍ لـي مشكلـه والبـلا باسبابهـا
العب الهاجـوس والعيـن تسهـر ماتنـام=وتفتكـر فـي الليالـي ومايطـرى بـهـا
ماشكيت مـن المحبـه وطـاروق الغـرام=حافظ ٍ نفسي بنفسـي واخـاف ابـلا بهـا
مير اشوف الوقت فيـه التفافـه واحتـدام=واختلف قانون الاصحاب عنـد اصحابهـا
يامحمـد كـم صحيـبٍ نحسبنـه تـمـام=واحسـب أنـه مثـل عمدانهـا واطنابهـا
لانصيته فزعتـي منـه ضحكـه وابتسـام=ماوراهـا عـاد فزعـه نحسـب حسابهـا
اختلف في ساعته من حـلال ليـا حـرام=والتبـس لـه جبـة ٍ مختلـف جلبابـهـا
نعنبوها صحبة ٍ مـا يشـد بهـا الحـزام=كان ماجت ساعة الضيـق ويـش ابغابهـا
صحبة اصحاب الرخى دم في شق الحرام=بقعـة ٍ تقطـع صـلاة الـذي صلابـهـا
حنظلـه والحنظلـه لاشـراب ولا طعـام=شجـرة مـرن جناهـا وشيـن اترابـهـا
هكذا بعض العرب والعـرب فيهـا قسـام=كم من الاصحـاب قـوم ٍ تسـد اطلابهـا
صحبة اهل الطيب تجلي عن الكبد المـلام=ر=ايـة ٍ يمشـي بهـا للـعـلا يمشابـهـا
والسلام بدايتـي والسـلام احسـن ختـام=عـاش موصلهـا ومـن يستمـع هندابهـا [
]وهذا رد الشاعر محمد بن حويل العصيمي [/size]
"]

مرحبا يابادع القـاف والمعنـى شمـام=من هجوسـا يحتمـي للوفـا مشهابهـا
مرحبا به عد مانـاح قمـري الحمـام=يارفيق(ن) خصني من جميـع ألبابهـا
انجلا عني كما دلقـس الليـل الظـلام=والصحافة تـو مـا حضـرت كتابهـا
يوم جتني كالجواهر مرافقهـا الوسـام=من رفيـق(ن) قمـة المعرفـه عدابهـا
كان ابن مقبول خالد يبي منـي عـلام=ودي أعطيـه الحقيقـه وهـو طلابهـا
السيوف اللي منول نقص ابها العظـام=اجمدت يـوم السنيـن ابتـرم دولابهـا
الولـد مايرتجـي لاخـوال ولا عمـام=ينطح القاله ليـا قـام يضـرس نابهـا
وأنت ياخالد تعرف الزمان الـه انتقـام=كل مسلم فـي كبدهـا كفيـت انشابهـا
خابر انك تشتكي مـن قليليـن الرحـام=مار ساس البوم محدا شكى مضرابهـا
مذن المسجـد ياخالـد تقـدم بالأمـام=جاء وراه اصفوف وهو قعـد يقرابهـا
والاشده جو عليهـا موسـرة المسـام=و=الغنـم ترعـى ولا تلتفـت لذيابـهـا
والشجاع اللي يسرك مقامه يـوم قـام=القديمـي كبهـا مايـشـد انصابـهـا
كـان ياخالـد تنشـد مفسـرة الحـلام=جاتك الحكمه من اللي عليـك املابهـا
حيث أنا ياصاحبي معك قايـم بالتـزام=لين عدوانـك لـك الله تليـن ارقابهـا
أستمع فأهل الفخـر لاتسمّـع فالخمـام=والرخوم رخـوم فالضيـق مايعدابهـا
وأنت وش تبغاني أعمل ليا ثار العسـام=بالرصاص الماص والا بروس احرابها
أنت ليه تحطني فـي طريقـك للأمـام=مثل من ينخى على قالت(ن) يرمى بهـا
مار حنا يابن عمي تحت رايـة كمـام=لـو بغانـا نقـدح الـنـار ياشبابـهـا
كم عدو من قرابتك في خشمـه عـرام=وكم صديق(ن) لك يجي من ديار اجنابها
مار ابوصيك وانته من الربـع الحشـام=من رجال(ن) في سنين الجهل يغزابهـا
اعرف أن الدين لأهل الفخر ذروة سناما=لديانـه صاحـب الطايلـه يحضابهـا
ماورى الانسان ياكود موت وثوب خام=وكل عين(ن) يندفق دمعها مـن مابهـا
مارتكفى يالحصـان أغتنمهـا باغتنـام=قدم شيخ القوم تبـرك عليـه اركابهـا
وأنت راعي معرفه والعلوم الها زمـام=والزمام ارضاي ربك ومايرضـى بهـا
يوم بعض الناس تمشي كما روس النعام=والشرف خلوه يـم اجبلـه واشعابهـا
والفخر والمجـد للـي يبنـون الخيـام=والنشاما تـارث المجـد مـن شيابهـا
ياسلام وياصلاتي علـى سيـد الانـام-=عـد ماتمضـي سنيـن تعـد أوجابهـا



http://www.youtube.com/watch?v=ajjkUwRnuZs

صح لسان قايلها و ناقلها

صص بدنك لاهنت

صح لسان قايلها وسلمت يمين ناقلها ..

لاهنت لاهنت