عن لهيب القيض قالوا لي على راسك مظله\ مقعد الدغيلبي
عقاب العنزي06-May-2010, 01:41 PM
ياسلام الله سلام الود والتقدير كله = يابن برقا والسوالف بيننا سكر زياده
عن لهيب القيض قالوا لي على راسك مظله = والشكر موصول للاصحاب المعالي والسعاده
فايز بن سرحان الثبيتي06-May-2010, 02:05 PM
ياسلام ياسلام
عقاب العنزي \ مقعد الدغيليبي
لاشك انه لقاء سيكون فاخر "
عقاب العنزي06-May-2010, 02:11 PM
حياك الله يابن سرحان
شرفتنا بحضورك
مقعد الدغيلبي06-May-2010, 02:13 PM
مرحبا في مرحبا واقلط على فنجال دله=بعدها نسمع علومك والله الله بالركاده
الهبايب تصطفق وطويق ثابت في محله=وانت خلك في شعاع النور جنب عن سواده
مقعد الدغيلبي06-May-2010, 02:15 PM
حياك ا الله يابن سرحان
شرفتنا بحضورك
لك كل ود وتقدير
فايز بن سرحان الثبيتي06-May-2010, 02:25 PM
وانت خلك في شعاع النور جنب عن سواده
حرفنه " متااابع متااابع "
حاكم الغنامي06-May-2010, 02:27 PM
طيب طيب
متابع للغالين
وصح السنتكم
عقاب العنزي06-May-2010, 02:28 PM
البقا ياللي ترحب والمشاعر مسفهله = مير لايصبح نظر عينك كما عين الجراده
يوم مقعد غاب قلنا الحكم يصدر فالمجله = واثر مقعد طال عمره من بلاده في بلاده
عقاب العنزي06-May-2010, 02:29 PM
ابن سرحان .. حاكم الغنامي
صحة ابدانكم شرفتونا
مقعد الدغيلبي06-May-2010, 02:34 PM
هههههههههههههههه
انت عندك مشكله والعقد ماتقدر تحله=كل ماشبيت نارك عودت نارك رماده
الله اكبر ياهلالٍ مادرت عنه الاهله=لو درت عنه الاهله يمكن يحقق مراده
مقعد الدغيلبي06-May-2010, 02:35 PM
ابن سرحان .. حاكم الغنامي
صحة ابدانكم شرفتونا
بحضوركم الراقي
فايز بن سرحان الثبيتي06-May-2010, 02:48 PM
يوم مقعد غاب قلنا الحكم يصدر فالمجله
واثر مقعد طال عمره من بلاده في بلاده
حبكه ... متابع متابع "
عقاب العنزي06-May-2010, 02:57 PM
المخيله خيّلت مير المطر عيت تهله = كيف ترضا الظلم والرحمن مايظلم عباده
عزّت ابراهيم ليذالحين مارجل ٍ وصلّه = والخلل من مكتب السري ومن راع القياده
عقاب العنزي06-May-2010, 02:59 PM
ابن سرحان
لاهنت على المتابعه وابيض وجه
مقعد الدغيلبي06-May-2010, 03:06 PM
ابن وايل في سجلّه وش لقو داخل سجله=الافاده طيبه وابشر على حسب الافاده
عزت ابراهيم عايش بالخيانه والمذله=وانت جاره مشترك ياعقاب في ملحه وزاده
عقاب العنزي06-May-2010, 03:19 PM
ابن وايل ياخوي الجنب كل درب ٍ يدله = ان ضريتوا للسنع ولا ّ على درب القراده
ان هرجنا فالخيانه علتّك فالوقت علّه = وش حصل هاك السنه وشعيل ماحوِّل شداده
مقعد الدغيلبي06-May-2010, 03:56 PM
الشمالي في شماله والتطور ماحصله=والجهل ياعقاب من ماض الليالي فيك عاده
ابك حنا من قديم الوقت دوله مستقله=وانت وضعك ماجهلته لو تزور لك شهاده
عيد بن مرضي06-May-2010, 04:00 PM
الله الله
الرمي حامي
صحت الآلسن والقلوب
متابع
عقاب العنزي06-May-2010, 04:02 PM
صح لسانك يامقعد تشرفت باللعب معك كثيرا
استاذنك لصلاة المغرب
تقديري
علي الثبيتي06-May-2010, 04:49 PM
الله الله على هذا الطاروق
صح لسااااااااااااااااان عقاب
و
صح لسااااااااااااااان ابو فيصل
سعود العصيمي06-May-2010, 09:11 PM
عقاااب العنزي
عن لهيب القيض قالوا لي على راسك مظله
والشكر موصول للاصحاب المعالي والسعاده
صح لساااانك مليووون
بيت يحمل معنى جميل
مقعد الدغيلبي
ابك حنا من قديم الوقـت دولـه مستقلـه
وانت وضعك ماجهلته لو تزور لك شهاده
ابوفيصل صح لسااااانك
حتى ترضى
محاورة رااائعه جدآ
زياد المزرمي06-May-2010, 09:30 PM
الله الله
عقاب العنزي @@ مقعد الدغيلبي
صح القلوب والالسن
شعراء مبدعين
رعد الروقي06-May-2010, 10:51 PM
تميز غير مستغرب من اصحاب التميز
عقاب العنزي// مقعد الدغيلبي
صحت قلوبكم
علي فلاح العضياني06-May-2010, 11:01 PM
الله الله الله
صح لسانك يا عقاب
صح لسانك يا مقعد
متاااابع
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
