وشهران تبقى ضلع مثله مثل سنجار / الشهراني
عزيّز العبدلي21-Jul-2010, 08:26 PM
ظلام الليالي مشبح النور والأنوار=ظلامٍ شعف جن الهواجيس وأثناله
وشهران تبقى ضلع مثله مثل سنجار=لو إنه غدت فيه الحرار المحياله
علي الشهراني21-Jul-2010, 08:45 PM
هلا مرحبا يا العبدلي و الله الستّار=لعل الجمل يمشي على شف جمّاله
على الهون يا اللي تحسبون الكبار صغار=ترا العلم سد العلم رجلي و خياله
علي الثبيتي21-Jul-2010, 08:50 PM
العبدل والشهراني
صحت السنتكم وعلى القوه
علي الشهراني21-Jul-2010, 08:54 PM
صح بدنك يا العود
و الله الله في الشاهي المظبووط
مشكوووووووور
عزيّز العبدلي21-Jul-2010, 08:56 PM
وألا ياجمل طبعك تند الخصيم بنار=لكنك تبا عسفة يديني من حباله
كثير العلوم اتبيّد الطيب بالأضرار=عسى علم شهران العريقه بجماله
عزيّز العبدلي21-Jul-2010, 08:57 PM
النشمي صح بدنك ولا هنت على مرورك
علي الشهراني21-Jul-2010, 09:01 PM
جمل يا جمل والخط وسطه جمل و حمار=الاول هذا حاله و ا لآخر هذا حاله
ترا صيحة الاحسا صداها ورا الانبار=عليها جبل دخّان ما طاح تمثاله
علي الثبيتي21-Jul-2010, 09:15 PM
هذي الدله والقدوع
[صورة غير متوفرة]
وهذا البراد
[صورة غير متوفرة]
وان كان ماتعشيتو طلبنا لكم عشاء
علي الشهراني21-Jul-2010, 09:18 PM
شوفتك تكفي عنها كلها
لاهنت و مشكوور و ابيض وجه
و الله يخلف عليك
عزيّز العبدلي21-Jul-2010, 09:19 PM
المعذره ياطويل العمر الشبكه ماش عندي
تسوّق بسوقٍ حط فيه الغلا سمسار=يزيد الكثيره كثرها لين تسواله
أنا أشوف لي جمّال حمله حمل حمّار=ضيوفه عشاها نص حلوى مع ابياله
علي الشهراني21-Jul-2010, 09:30 PM
ترا المشكله فالناس ما هيب في الاسعار=و كلٍ ترا همه على راس دسماله
عجيب العجب في قصة الهايم الثرثار=كسر دلته فالامس و اليوم فنجاله
عيد بن مرضي21-Jul-2010, 09:56 PM
الله الله
صح الله السنتكم
والصف 07 واصلوا
متابع
علي الشهراني21-Jul-2010, 09:58 PM
هلا هلا
يا 02
مرحبا بك يا بعد حيي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
