قصيده مهداه للشيخ بندر بن نايف بن حميد

بسم الله الرحمن الرحيم
/
قصيدة مهداه الى الشيخ/ بندر بن نايف بن حميد ..
من الشاعر/ سعود بن بدر الشيباني
- راع الكايدة ..))
/

يالله ياللي تعلم السر والغيب ................. يالواحد المعبود رب الجلالي

الطف بحال اللي جراله عواقيب ................. انت الذي تعلم بسري وحالي

ومن بعد ذكر اللي يلب المطاليب ................. سبحان من وحده عليه اتكالي

قم يارسول الخط واخذ المكاتيب ................. برسالة(ن) تطلب جواب السؤالي

قناد كيف(ن) عند ذوق الشواريب ................. الذ من طعم القراح الزلالي

ماله عن كبار القبيله مجانيب ................. عرافة العقال بين الرجالي

وانا عتيبي ضيف ريف المعازيب ................. ماحط راسي في قصير الضلالي

ربعي هل الطالات عكف الاشانيب ................. ستر العذارى في نهار القتالي

شيوخنا لا من عوى الذيب لذيب ................. مقدام هيلا(ن) يحتمون التوالي

يوم الجهل حامين حرش العراقيب ................. بالهندوان مصقلات السلالي

إلهم علينا حق والنا مواجيب ................. لابركت بحمولهن الجمالي

سلام يامير الوفا منقع الطيب ................. يادرعنا في معضلات الليالي

شيخ(ن) بدى في عاليات المراقيب ................. روس الرجوم النايفات الطوالي

شيخ(ن) ولد شيخ(ن) عطيب المضاريب ................. اليا وقف شال الحمول الثقالي

بندر ولد نايف حصان الاطاليب ................. ابن حميد اللي يسمى الشمالي

يرسي اليا هز الهوى بالاطانيب ................. يثب كما تثبت رواس الجبالي

هذي ثلاث سنين بين الكلاليب ................. وقدامها خمسة عشر عام جالي

وقت(ن) حداني حدي لين اظهر الشيب ................. ومالي سوى فزعة رفيق(ن) موالي

اما يحل عقود حبل المناشيب ................. عقب الزمن شربك علينا الحبالي

والا بلاشي يظهر النجم ويغيب ................. غالي وشرهاتي على كل غالي

هذا كلام مرتب القاف ترتيب ................. يفرش لمعنى البيت حمر الزوالي

- الشاعر: سعود بن بدر الشيباني
(( راع الكايدة ))

صح لسااانك ويستاهل الشيخ بندر بن نايف

..

صح لساااااااااااانه


وابن حميد يستاااهل

صحت ابدانكم واشكر اخوي العزيز طالب الروقي العتيبي على النقل

صح لسانك واعتلا شانك ياطالب

صح لسااانك ويستاهل الشيخ بندر بن نايف

صح لسانك ويستاهل بن حميد المدح