يازيــــن سلم اليا مريت///غازي بن عون الرويس

يازين سلّـم تـراك أخطيـت=لـو مـا تكلّمـت بالسـانـك
رد التحّيـه لـيـا مـرّيـت=باطـراف رمشـك وحجانـك
ترى تحّيتـك تحـي الميـت=وانـا بسّيـتـك وأحسـانـك
لا طرقت برموشهن وأغضيت=تسلـب معالـيـق خـلانـك
كّنـك تكحّلـت واستوفـيـت=من كحـل هـارون لعيانـك
وفاقت خدودك شعـاع الّليـت=وعن عاتقك هزعـن امتانـك
وطّبقت ممشى حمـام البيـت=ولو تبـا تحـداه .. بامكانـك
جرحت قلبـي ولا دواويـت=ودواه مــن ورد بستـانـك
اذكر وصـوفٍ لهـا ماريـت=حكـو بهـا عنـك جيرانـك
وليـا طلبنـا اللقـا صديـت=ياصاحبي ويـش .. محيانـك
حتى يشوف النظـر شحيـت=ياكبر صـدك .. وهجرانـك
لو شفت وش من غلاك أخفيت=وش صاب روحي على شانك
إن كان بالوصل مـا عييـت=واودعتني .. ثالـث اخوانـك

غــــــازي بن دخيل الله بن عون الرويس

،

الله يعافيك ياهلال الدوادمي ..

وصح لسان قايلها ..

و تحياتي لك.





نادر العش
،،،

الله يعطيك العافيه ياهلال

لاهنت على النقل الرايع


وصح لسان الشاعر


غازي بن دخيل الله


اخوك سعد

لا هنت يالغالي


ومشكووووووووور على النقل


تحياتي

السلام عليكم ورحمة الله وبركاته

مشكور اخوي هلال الدوادمي على النقل

مشكوووووووووورين ولو انها متاخره
وصحت ابدانكم بالنيابه