لا تتعب لاجل لقياي

بسم الله الرحمن الرحيم



لا عاد تتعب لاجل لقياي ياخلي=غسل يدينك من اللقيا بصابونه
صاحبك تالي زمانه وده مقلي=ماعادله فالهوا والعشق ولحونه
قلبه عزف عن مجال الحب بالكلي=من هم الايام بان الحزن بعيونه
صايبه صايب وفيه امراض ومولي=حاله تغير على ناسن يعرفونه
وعقله من اسباب ظلم الوقت مختلي=وليا نوا علم حضه ينسدح دونه
عزي لمن عنه صار الحض متخلي=وضامته الايام حتى هدت ركونه
ياوقت ياوقت كم تاخذ كم تخلي=معاد خليت لاهل الطيب لو لونه
فيك الدليله غدا معاد يدلي=ضاعت علومه وجوة اللي يدلونه
من عقب ماهو دليله صار يندلي=والغبن يونس بوسط الكبد طاعونه
عزمه من اسباب وقته صيب وانشلي=عليه وقته تغير واختلف لونه
هذا زمان العجب والنصب والذلي=وبالمسكنه والتنكر سادت فنونه
ياطيب من حاربه بالصاع والملي=وباع الحياه الغشيشه واعتلا شونه
واختار من بد كل سجلن سجلي=سجل دين الهدا للي يحفظونه
لا قام يشكر الاه الكون ويصلي= كنه ملك كل حاجه فى فضا كونه




هذه القصيده للشاعر:مجول جلال المفاطي

مشكور

وصح لسانك

ويعطيك العااافيه

مشكور اخوي

وصح لسانك ولسان الشاعر

صح السانك والسان اللي قالها

الله لا يهينك

تقبل مروري