سلطان الجذع للاهميه والعله القويه00
نايف بن ملحق الثعلي01-Dec-2007, 09:44 PM
هلا يا مرحبا يالجذع واغلى التراحيب=نرحب يوم بعض العرب يقصر سلامه
ترا حنا رجال(ن)نكمل فالمواجيب=وسلطان الجذع مختلف مدري علامه
سلطان الجـذع01-Dec-2007, 09:56 PM
يدوم إلك البقا يازبون المجد والطيب =ياطيب اللي مع اصحابه يثمن كلامه
تقول وانت حولك يدور الشك والريب=بعد حذف العقال المقصب والعمامه
عيد العازمي01-Dec-2007, 09:58 PM
بعد حذف العقال المقصب والعمامه
ناااااااايف وسلطاااااان
واصلو الابدااااااااع
صحت السنتكم لاهنتو
نايف بن ملحق الثعلي01-Dec-2007, 10:03 PM
جمال عقيل قامت تقرط فالعراقيب=حداها وقتها لا شداد ولا مسامه
ولا يا مكثر الغش في قلوب الاصاحيب=وانا خابرك نجدي ولا تعرف تهامه
ناصر المرشدي01-Dec-2007, 10:05 PM
يدوم إلك البقا يازبون المجد والطيب
ياطيب اللي مع اصحابه يثمن كلامه
تقول وانت حولك يدور الشك والريب
بعد حذف العقال المقصب والعمامه
الله الله
صح لسانك
وطيب فاله ترى مطيبين فاله قبل شوي
وصح لسانك يانايف والله يعينك
سلطان الجـذع01-Dec-2007, 10:14 PM
جمال عقيل راحت وعادت بالمكاسيب =وجملكم بالفلس راجعٍ يسحب خطامه
علومك طيبه مار مااوفيت المطاليب =اثر مافي ولد روق زين ..الا وسامه
سلطان الجـذع01-Dec-2007, 10:15 PM
ناصر ناصر ازهل ازهل نبي نزين فاله
بدون توصي هههههههههههههههه
علي فلاح العضياني01-Dec-2007, 10:17 PM
بعد حذف العقال المقصب والعمامه
بعد حذف العقال المقصب والعمامه
صح لسانك يانايف الروقي
وصح لسان الاسطوره
واصلوا الله لايهينكم
راع العلطا01-Dec-2007, 10:17 PM
الأبدع
مشاء الله في هالصفه عالي بنسبة 100%
الله لا يهينكم و سجلوني متابع في صف نايف
وفي صف سلطان
تحياتي ,,,
سلطان الجـذع01-Dec-2007, 10:18 PM
الفالح مرورك محل فخر واعتزاز بالنسبه لي
انا وااخوي نايف
لاهنت
بندر المرشدي01-Dec-2007, 10:18 PM
يالله شد حيلهم بينهم
صقورٍ تلاطم بالقفص
ههههههههه
امزح صحت السنتكم
سلطان الجـذع01-Dec-2007, 10:19 PM
راع العلطا وودك في هذا المتصفح
اعطاه بعد جمالي اكثر ...كيف لا وانت احد جهابذه
المنتدى فالشعر
سلطان الجـذع01-Dec-2007, 10:26 PM
طيب طيب يالتحدي وانا ونايف حصن تصاقل
شف
[=][صورة غير متوفرة][/url
عبدالعزيز بن جودان الرويس01-Dec-2007, 10:26 PM
الله الله
يانايف عندك الجذع النجدي هذا مايعرف تهامه
صح اللسان الروقي والجذع
نايف بن ملحق الثعلي01-Dec-2007, 10:27 PM
ترانا نعرف الجد ونعرف الاكاذيب=تقوله وانت ما جبت ياكود الندامه
انا الحر المحنك وصيدي بالمخاليب=وبعض الناس يا صاحبي كنه حمامه
علي الثبيتي01-Dec-2007, 10:31 PM
الله الله ياسلطان صح لسانك
ولسان نايف وعلى القوه
نايف بن ملحق الثعلي01-Dec-2007, 10:38 PM
العازمي
ناصر المرشدي
الفالح
راع العلطا
ابن جودان
النشمي
بندر المرشدي
مروركم يسعدنا ويشرفنا
سلطان الجـذع01-Dec-2007, 10:44 PM
انا اعرفك من اللي لهم فعل ومناصيب =لكن انشدك من وين جايتك الرخامه
نوردها ونشرب عذيّات المشاريب =لكن العيب فاللي ربض مثل النعامه
نايف بن ملحق الثعلي01-Dec-2007, 10:55 PM
ترانا يالجذع ما نبا المنقود والعيب=لكنك لاتزعم وانا راع الزعامة
حصيلك نعرفة لو تفتل في الاشانيب=كثير الناس مثلك ولا عزة مقامة
سلطان الجـذع01-Dec-2007, 11:21 PM
تزعم وانت هاك الليالي حادر شعيب =بيوم يابن ثعلي مثل يوم الرغامه
عمامه رافعينه على روس المراقيب =ونايف مايجيها لا لا وقفه عمامه
نايف بن ملحق الثعلي01-Dec-2007, 11:36 PM
ولايا ذيب ياللي تجر الصوت يا الذيب=عرفنا الخاتمة ونجلت عنك الغمامة
ترانا في المواقف عطيبين المضاريب=وبعض الناس في ماقفة تبرد عظامة
نايف بن ملحق الثعلي01-Dec-2007, 11:37 PM
الليل ياسلطان الليل
وعجل علانا عجل
سلطان الجـذع01-Dec-2007, 11:43 PM
تناظر فالذيابه على روس المراقيب =ترى الماموم شرط يتقدى في يمامه
والا يالروقي اللي مغطي راسك الشيب= اظن العقل عقل الذي مااكمل فطامه
ابن نميان01-Dec-2007, 11:48 PM
والا يالروقي اللي مغطي راسك الشيب
اظن العقل عقل الذي مااكمل فطامـه
^
^
^
الله الله فطامه صح لسانك وصح لسان ناايف ولازلت متابع لكم بصمت
هههههههههههه منسجم الرجال متابع
كل التوفيق والتقدير لكم
سلطان الجـذع01-Dec-2007, 11:52 PM
بن نميان ...
صح بدنك وتواجدك مشرف ...
كل الود والتقدير
نايف بن ملحق الثعلي01-Dec-2007, 11:57 PM
تجنب يالجذع مير ما فالعلم تجنيب=شجاعه منك يا صاحبي ولا غشامه
ولا ياشاعر ما تفكر فالعواقيب=علومك روحت ما نلحقها ملامه
نايف بن ملحق الثعلي01-Dec-2007, 11:58 PM
ابن نميان حياك اخوي
لاهنت على المرور
سلطان الجـذع02-Dec-2007, 12:11 AM
انا ماارتاح لين اني أودبك توديب =يالين تعرف وقتك حلاله من حرامه
تقوله وانت لاهنت من زين الهناديب؟=انا اظنك من اول علامات القيامه
نايف بن ملحق الثعلي02-Dec-2007, 12:35 AM
كلامك لو تقوله تراه تعيب وصعيب=اعرفك يالجذع ماتبا غير السلامه
جروحك زدتها جروح ومعذبك تعذيب=لونك تجحد العلم في وجهك علامه
سلطان الجـذع02-Dec-2007, 12:39 AM
طيب طيب صح لسانك يانايف ...وتصبح على خير
الليل سرى ...امتعتنا ببيوتك الطيبه يالغالي
نايف بن ملحق الثعلي02-Dec-2007, 12:42 AM
صح بدنك يالغالي
وتصبح على خير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
