إلى من يهمــــه الامـــــر !!!!!

بعد السلام والتحيـه


:(





الليل والمعنى وبيد الشعر وطوال الرجوم = والملعبه واللي .. يهمه امر .. ياتي بحطبه
شفت الزمول اللي علاها .. العلم فخددها وسوم = لاكن به حيران من زود الجرب متسببه

شفت الزمول اللي علاها .. العلم فخددها وسوم
لاكن به حيـران مـن زود الجـرب متسببـه
..
راقي راقي ياخالد ....
صح لسانك .... وننتظر الطرف الاخر ..
...

صح لسانك يالمقاطي . بداية من العيار الثقيـــل .

ومتابع .....



أخوك/قادح شرار.

سلام عليكم



الليله المنى طرب والقسم من خير القسوم = شباب نار وعز راس اليا حضرت الملعبه


عينك على هاك الزمول اللي بحملتها تقوم = ماني موصّيلي عتيبيّن عريبن منسبه

الليله المعنى طرب والقسم من خير القسوم ( حرف ع )


مرزوق هلابك - قادح شرار متابعتك نوماس



خالد اعجبنى طرقك ودوبني جاي من مده قلنا نجاريك لاهنت

خالد المقاطي صح لسانكــ

وينك ياراقل لكـ مده:)


العازمي صح لسانكـ

سبقتني:)




واصلوا واصلوا متابع

خالد المقاطي صح السااااانك

العازمي صح السااااانك


واصلو على القوه


تحياتي,,,,,,

سلام ورحمه الله وبركاته

ارحب يابن عاصي اسلم واستلم لاهنت




اقلط على بن اليمن يالعازمي جعلك تدوم = لو كان بندقنا خطة بعطيك كيفك وشربه
اشوف والله مار ماهو هم من ضمن الهموم = اللي تجي فالضرس لاخوخه ولا هي بعنبه

ابو محمد


مشرفنا القدير


مرورك الراقي يالذيب .. وصح بدنك


....



قادح شرار


الابداع مرورك .. لاخلا ولا عدم


....


الاصطوره .. سلطان الجذع

مرورك بحد ذاته مكسب يالذيب

:)

موجود جعلك تحيا ولاكن ذبحنا السفر

هههههه

لاهنت على المرور يالذيب


....


العازمي


علم علم







اشكر جميــ ع من مر وعطر المتصفح بمروره العطر























لكم اجمل تحيه


..

سلمان الروقي



صح بدنك


ولاهنت على المرور يالغالي ..




اخوك :: خالد المقاطي ( كعام المعادي )

ضرمان للعلوم العرب لكن عجّل بالعلوم = بعض العلوم مشرّقه بعض العلوم مغرّبه


يصبر على ميلا ت وقته واحدن قلبه عزوم = راع السبال اللي سباله عزّها تحت اشنبه

سلمان الروقي



صح بدنك


ولاهنت على المرور يالغالي ..



سلطام الجذع هلابك واسف لو دريت انك بترد حجزت لك مكان من غلاك

وهلابك ابوعبدالله

العازمي وخالد المقاطي
الله الله
ابداع غير مستغرب منكم الله يعافيكم ..
واصلوا لنستمتع معكم ..
...

الله الله




ودي بقاض المحكمه .. من شان توضيح الثلوم = وانته وانا وافين .. حضرلي كلامك وانقبه
صكات بقعا ماحنت حرنً على القمه يحوم = يوم الحوير حدر ظلع طويق عيده يسحبه

ابو مشعاب



مرور غيــر دايم .. يالذيب



وصح بدنك دمت بهذا المرور

بكره ترى مرزوق ناوي يفرض اللعب ابرسوم = الّاـ هل الشعر المميّز جعل حظّك يكسبه


عساك من ضمن المجرّه ساطعن بين النجوم = ظلّي يساويله رجل والمال والله ماحسبه

ابو مشعاب



هلابك وصح بدنك

:)

صح اللسانك يالعازمي

سعدت باللعب مع شرواك يالذيب

وسمحلنا على القصور ..

والختام عندك ..






كان شرقت شمس الدجا .. بنقول ريح ومخدوم = راع الجمل ماهو لبعض فجوج ربه يشعبه
كلً يفصل فوق جسمه مايليق من الهدوم = واللي لبسله ثوب طايل لا غرابه ننكبه !!

ماني بملحق صاحبي من شرهة الايام لوم = مادام مزجة صاحبه لاقال مزحه تغضبه


اللي نوى كسب الجواهر كيف مايقدر يعوم = والصاحب الطيّب مهابه تحت فيّة منكبه



خالد تشرفت بمجاراتك لاهنت

اللي نوى كسب الجواهر كيف مايقدر يعوم
والصاحب الطيّب مهابه تحت فيّة منكبـه



هههه


لا حراااام

قلت ماهوب هم من الهموم

:)

صح اللسانك يالذيب


مبدع بما تعنى هالكلمه



لنا لقاء قريب .. على طاري الشرهه

:)











اخوك :

صح اللسانك ياخالد الغالي


اعذرني ان كا ن زليت


والله انك شاعر وقبل شعرك محترم حفظك الله


والشرهه راحت ههههههه


لناء لقاء واتشرف ياغالي

خالد المقاطي
العازمي
صح الله السنتكم وابدانكم
ابداع

.
..

المبدعان

خالد المقاطي , العازمي

هنا وجدت الجزالة والمتعة معا ً

صحت ألسنتكم

:)

.
.
.


























تحياتي لكمـ ،،