المحاني--->السيل الكبير

ابو فلاح مساء الخير...


يابن فلاح اقرب هنا..وحسابك الليله عسير=وأحسب حساب الأوله واحسب حساب الثانيه!!
ياللي تقول أن (الفراع) احسن من (السيل الكبير)!!=وش رائك تقول (المحاني) قطعه من (اسبانيه)!!

الليل انا و ايّاك وتشوف اللذي رايح يصير=مدام ميزان العداله ساحة الميدانيه
آخير عندك سوريا ولاّ جبال السيل آخير=أظنّها افضل عندكم منها ومن لبنانيه

الله الله على الطرق الرائع وننتظر رد ابو فلاح

الله الله



والله ماتاخذ غير قسمك..يالبنادم..لو تطير=ارضى بمقسوم الكريم..وسمّ بالرحمانيه!!
مايهضم حقوق النشاما غير معدوم الضمير=والحسْـد في قلب الحسود ..أكبر من الضلعانيه!!

الطايف أحلى لا تقل جدّه عروس البحر ( غير )=فيه الهوى البارد و فيه الخوخ و الرمّانيه
اليا نزل سعر الجواهر وإرتفع سعر الشعير=بيت الفقر يصبح غني والمغتني فقرانيه

الله الله


عدّ المصايف في بلادك مير لاتنسى عسير=وأبها البهيه حبُّها بين الضلوع الحانيه!!
بشت الأماره مايليق الا على متن الأمير=وأنته متونك جب لها كوتاً من الدكانيه!!

المبتدى و المنتهى و العلم الاول و الاخير=حكم لك القاضي بلا حجّه و لا برهانيه
خلّ الإداره ما يدير الدايره غير المدير=طيّرتها يا كبتن عتيبه بلا جنحانيه

الله الله .. صح لسانك ياكبتن عتيبه .. وصح لسانك يافلاح

:) متابع الإبداع والجزاله والمعنى هنا .


ولكم التقدير والإحترام

الله الله




انا اتحمّل زلتك حيثك كما اخوي الصغير=لكن غيري من عتيبه واحداً زعلانيه!!
والحل عندي ,,كسّروا هاك الرحاء اللي تسدير=والا اتركوها تسدير ونادوا العتبانيه!!



ابو فلاح استاذنك...


وصح لسااانك مليار

عليك ما نشره يا بو قلبٍ كبر راس البعير=لكنّ شرهتنا على مرزوق بن حمدانيه
الحل عندي .... ما يفيد الحكي والهرج الكثير=بكره يبا يصدر بياناتٍ من الديوانيه

صح بدنك يابو فيصل





وتصبح على الف خير

صح السان الشعراء وبيض الله وجيهكم على هالطروق الونيس

الله ....الله




صحت السنتكم

..
.
طاروق نخبه يامجرمين :)
الكبتن انا في صفك هالمره وبقوّه ...
مودتي لكما

ههههههههههههههه


اشكركم يالمجرمين كلكم على مروركم الكريم ويعطيكم الف عافيه

صح لسانك الكبتن وصح لسان علي


ابداع غير مستغرب


لله دركم ياثنين

صحت الألسن محاوره رائعه وممتعه




تحياتي

كبنتن عتيبة صح السانك

علي العضياني صح السانك