26-Jul-2008, 06:03 AM
احبتي في هذا المنتدى الغالي أهديكم هذه المتواضعة التي تعبر عن نفسها مع أجمل تحية
بسم الله أبدا و انتهي باسمه إله العالمين = الواحد اللي نرتجي عفوه و مطلبنا رضاه
يا مالك الأملاك يالوهاب ذو العرش المكين = الخالق الرزاق كل الخلق تسعى في رجاه
مجري الرياح و محيي الموتى ملاذ الخائفين = سامع دبيب النمل فوق الصخر في سابع سماه
سبحان ربي عد ما طافوا جموع الطائفين = سبحان ربي عد ما يرمى على الجمرة حصاه
نطلبك يا رب البشر تغفر ذنوب المذنبين = و انت الغفور اللي هدى المسلم و يغفر له خطاه
ندعيك ياربي و نرفع لك من الحاجة يدين = و لا خاب مخلوق ٍ رفع كفيه يدعي لك دعاه
دنيا تدور و تمضي الأيام و تمر السنين = دوراتها لن جيت أوصفها كما دور الرحاه
فيها الفتن قامت تهاوى من يسار و من يمين = و فيها المعاصي ترتكب يالله طلبناك النجاه
ما عا أحد يقدر يميز و التبس شك بيقين = و كل ٍ على كيفه تبع كيفه و لا يعصي هواه
يشعب ذلوله في دروب الغي و ابليس اللعين = درب ٍ يحبه فب البداية و الندم في منتهاه
هاذي دروب الهم و الذلة دروب الضايعين = اليا مشى خطوة بها يرجع ميه خطوة وراه
و لا صار ودك تخزي الشيطان و ترده حزين = أقرا عليه الفاتحة و الذكر و أسماء الإله
يا رب تكفينا و تحمينا بلطفك يا معين = في وقتنا صار البلا موجود في كل اتجاه
هذا زمان العولمه هذا زمان الغافلين = هذا زمانٍ ما عرفنا شكل وجهه من قفاه
هذا زمان ٍ يخلف عقول الرجال العاقلين = اللي من أول لازم ٍ عقله و لا يبدي خفاه
لا عدت يا وقت ٍ علينا تشهر السيف السنين = دقت طبول الحرب بيامك و بليالك غزاه
و اللي سلم من وقته الدامي به إحدى حاجتين = يعرج و جرحه من سيوف الوقت ما يلقى دواه
اليوم نخشى لا يبدل دين هادينا بدين = دين الرسول الهاشمي عليه موفور الصلاه
يمسي بها المسلم و يحسب من عداد المسلمين = و يصبح بها كافر و يحسب من جبابير العصاه
و إن كان ما نبقى على هدي الرجال الأولين = نبقى بلا قيمة و أشوف الموت خير من الحياه
بسم الله أبدا و انتهي باسمه إله العالمين = الواحد اللي نرتجي عفوه و مطلبنا رضاه
يا مالك الأملاك يالوهاب ذو العرش المكين = الخالق الرزاق كل الخلق تسعى في رجاه
مجري الرياح و محيي الموتى ملاذ الخائفين = سامع دبيب النمل فوق الصخر في سابع سماه
سبحان ربي عد ما طافوا جموع الطائفين = سبحان ربي عد ما يرمى على الجمرة حصاه
نطلبك يا رب البشر تغفر ذنوب المذنبين = و انت الغفور اللي هدى المسلم و يغفر له خطاه
ندعيك ياربي و نرفع لك من الحاجة يدين = و لا خاب مخلوق ٍ رفع كفيه يدعي لك دعاه
دنيا تدور و تمضي الأيام و تمر السنين = دوراتها لن جيت أوصفها كما دور الرحاه
فيها الفتن قامت تهاوى من يسار و من يمين = و فيها المعاصي ترتكب يالله طلبناك النجاه
ما عا أحد يقدر يميز و التبس شك بيقين = و كل ٍ على كيفه تبع كيفه و لا يعصي هواه
يشعب ذلوله في دروب الغي و ابليس اللعين = درب ٍ يحبه فب البداية و الندم في منتهاه
هاذي دروب الهم و الذلة دروب الضايعين = اليا مشى خطوة بها يرجع ميه خطوة وراه
و لا صار ودك تخزي الشيطان و ترده حزين = أقرا عليه الفاتحة و الذكر و أسماء الإله
يا رب تكفينا و تحمينا بلطفك يا معين = في وقتنا صار البلا موجود في كل اتجاه
هذا زمان العولمه هذا زمان الغافلين = هذا زمانٍ ما عرفنا شكل وجهه من قفاه
هذا زمان ٍ يخلف عقول الرجال العاقلين = اللي من أول لازم ٍ عقله و لا يبدي خفاه
لا عدت يا وقت ٍ علينا تشهر السيف السنين = دقت طبول الحرب بيامك و بليالك غزاه
و اللي سلم من وقته الدامي به إحدى حاجتين = يعرج و جرحه من سيوف الوقت ما يلقى دواه
اليوم نخشى لا يبدل دين هادينا بدين = دين الرسول الهاشمي عليه موفور الصلاه
يمسي بها المسلم و يحسب من عداد المسلمين = و يصبح بها كافر و يحسب من جبابير العصاه
و إن كان ما نبقى على هدي الرجال الأولين = نبقى بلا قيمة و أشوف الموت خير من الحياه
