مــحــاوره رائـــعـــه

بسم الله الرحمن الرحيم

هذا المحاوره جرت بين الشاعرين في شقصان اتمنى ان تنال اعجابكم،،،


مستور العصيمي :

يانجوم الليل شلي على شقصان نور = دار قومٍ حددوها بكل حدودها

ياثبيتي لاتجرى على بعض الامور = العرب تدري ببيض الليال وسودها

عواض الشهيب:

ياهبوب الليل هبي على بعض الصدور = في محل العزوه اللي كثيرٍ جودها

يالعصيمي وقع السيف في لحم الجزور = وانت ماميزت نقص العلوم وزودها

مستور العصيمي:

تنهض الجنحان مدري وش انت من الطيور = بيني وبينك سلوك الحرير تقودها

العلوم لها بطون العلوم لها ظهور = مار ربي ياعميلي يحل عقودها

عواض الشهيب:

والله اني صقر واخذ عشاي مع الصقور = مار هذي خلها لاتزيد تعودها

العلوم مطوله من قديمات العصور = كيف تقبل حجةٍ مالقيت شهودها

مستور العصيمي:

كان ماانت الصاحب اللي مع اصحابه يبور = قودها بخطامها ياثبيتي قودها

لاتلفت يمنا ماحصل منا قصور = نعرف الموضوع والناس من موجودها

عواض الشهيب:

انت تعرفني على الوقت رجالٍ صبور = واليدين الطايله صفقها في خدودها

لاتحادى عن طريقك ويمسك المرور = الكتيبه جهزوها بكل جنودها

مستور العصيمي:

جهزوا مدفاعهم مار عيا لايثور = والبلى يحرق قلوب العرب وكبودها

الرجال يميزون الورود من الصدور = خابرين الحنظله مايعصي عودها

عواض الشهيب:

جهزوا مدفاعهم والغدا عقب الفطور = انتبه لصدورها وانتبه لورودها

الليالي طيبه نصها افراح وسرور = بارك الله في رجالٍ عراب جدودها

مستور العصيمي:

انت مقبل مار دنياك يالصاحب دبور = من يحارب ناس ماسلم من منقودها

حرر المبنى وزيد القواعد والجسور = لاترجى الباركه قطعت بجلودها

عواض الشهيب:

مكسبي مضمون ماني مع القوم مخسور = مابقرب شعلة النار من بارودها

القواعد ثابته دوم والقصر معمور = والحضارم جابت المشكله لزيودها

مستور العصيمي:

وينه مكسبك ماجاك منه الا العشور = ياحليل العالم اللي تحفظ سدودها

انت طيب مار سيلك على غيرك حدور = كل قومٍ ولعت نارها بزنودها

عواض الشهيب:

كم كسبنا فالبحر كم كسبنا في البرور = وانت جالس في جبالٍ تصيح قرودها


وسلامــــــــــــــــــــــــــــــــتكم

الله الله الله....

رااائعه فتل ونقض على مستوى صح الله السان ابو تركي والشاعررر عوااض على هالجزاااله القووية,,,

بيض الله وجهك يالذيب على النقل

سامي


الجعيد


يعطيك العافيه


على نقل هذه الدره.


صح لسان شاعر عتيبه الشاعرالكبير/ مستور العصيمي


وصح لسااان الشاعر الرااااائع عواض الشهيب.