الملك فهد

هذه القصيده مرثية في خادم الحرمين الشريفين الملك فهد بن عبدالعزيز آل سعود رحمه الله
للشاعر/ عقاب محمد الحنتوشي العتيبي
واحببت ان اهديها لمنتدى الهيلا الموقر




مايعلمك يا الغيب مخلوق مـن طيـن=وحنـا خلقنـا للـقـدر والرضـابـه
لا والله الا غـاب ريـف المساكـيـن=غـاب الزعيـم اللـي عدانـا تهابـه
غاب الإمـام اللـي يقـود المصليـن=نطوي بهـم وحـزن صفحـة كتابـه
العـام نفـرح معـه واليـوم باكيـن=بالدمـع يغـرق كـل حـي(ن) ثيابـه
غاب الفهـد ياكبـر فقـد الصلاطيـن=لجـة جبـال طويـق ساعـة غيابـه
عم الحزن بالشعـب حضـر وبداويـن=ساعة نعى الديـوان نسـل الصحابـه
خيم علينا الليل فـي صبـح الإثنيـن=ياشيـن ذاك الـيـوم كـلـه كـآبـه
احد(ن) بكلى واحد(ن) مرض له نهارين=كـل(ن) يقـول الـدم حبـه مشابـه
انعـي فهـد يـا المملكـه لا تكفيـن=اللـي بشـرع الله حكـم واهتـدابـه
هلي عليه الـدم مـن محجـر العيـن=لعلهـا تبـرى الكـبـود المصـابـه
انعيـه يــادار الـوفـى لاتملـيـن=مـا مـل ابوفيصـل عطانـا شبابـه
عشنـا بحكـمـه كلبـونـا هنيـيـن=نهنـا بمـان(ن) غيـرنـا مهتنـابـه
الخيـر والنهضـه بكـل الميـاديـن=والمصحـف يـوزع وكـل(ن) قرآبـه
يامـا ويامـا كـم عطـى مستحقيـن=مسلـم ويرجـي مـن وليـه ثوابـه
ويامـا لجابـه بعـد ربـي ملايـيـن=وانـا اشهـد انـه عـز للـي لجابـه
ويشهدله المسلم مـن الهنـد للصيـن=ويشهدلـه البلقـان واللـي جـرابـه
ويشهدله السـودان واللـي غريقيـن=امواج سيـل(ن) غامـرات(ن) ترابـه
يشهدله اللـي عـن وطنهـم مجليـن=شعـب تعـزوى بالفهـد واحتمـابـه
يالله ياللـي تفـرج العسـر باللـيـن=ياواحد(ن) ماغيـرك احـد(ن) نهابـه
ظلل على الغالـي بخضـر البساتيـن=يـارب ياللـي كـل مسلـم لجـابـه
حط الفهد مـا بيـن حـور ورياحيـن=وحـرم علـى النيـران يالله جنـابـه
ارحـم فهـد ياوالـي العـرش آميـن=انت الرحيـم ورحمتـك فـي حسابـه
والحمـد للـي عاظنـا بالحكيمـيـن=عبـدالله وسلطـان قــدر ومهـابـه
حكومـة(ن) للديـن والشعـب وافيـن=حي الملـوك اهـل الوفـى والنجابـه
ولهم ولانـا مـن قديـم(ن) وذلحيـن=حتـى وطنـا نلتحـف مـن تـرابـه
وصلوا علـى محمـد شفيـع التقييـن=عداد من طـاف الحـرم ثـم سعابـه







منقول

جزاك الله خير نقل مميز اكمل نريد المزيد الله يوفقك

مع تحياتي

الله يرحم الملك فهد ويسكنه فسيح جناته

ما قصرت اخوي غازي على نقل هذه القصيده الجزله

وابو فيصل يستاهل

صح لسان قايلها

شكراً لك غازي سيف

صح لسان الحنتوشي ولاشلت يمينك على النقل والله يرحم الملك فهد

السلام عليكم ورحمة الله وبركاته

اخواني :
الخديدي خالد
ضواحي العتيبي
ولدسجوان

شكراً على مروركم الكريم


اخوكم / غازي سيف