غازي بن عون

اليكم هذه الغزليه للشاعر غازي بن عون


اثر الاذن تعشق قبل تعشق العين =عاشقته اذني قبل اشوفه بعيني
ومن بعد شوف العين حبوه الاثنين = الاذن والعين اصبحوا عاشقيني
وقلبي عطا خريمتن بين ضلعين =من يوم شافه كبني ما يبيني
ناداه بالطرف الحور والحجاجين=وناديت قلبه مير عيا يجيني
الفرق واضح في قلوب المحبين =قلبن يجي لين وقلبن متيني
نهبت قلبي يا زعيم المزايين =ارجوك رده باسطن لك يديني
انا بليا قلب وانته بقلبين = مهيب في شريعة المسلميني
اما انت رد القلب يا كامل الزين=والا اقسمه نصفين بينك وبيني
يا عود موزن ناعمن بين غصنين= لا هبته عذب النسايم يليني
غاشيه ليلن فاضحه بدر عشرين=ومن تحت نور البدر تفاحتيني
ونجلن عليهن مثل وصف الهلالين =من شافهن لازم يبيح الكنيني
لو لد بالخدرات في عالم الدين = هزه على لاماه شوق وحنيني
ومن عقب تدريس الفقه والصححين =اصبح يجر السامري والهجيني

ومن عقب تدريس الفقه والصححين
اصبح يجر السامـري والهجينـي

ياسلام
وصح لسان غازي عون
لاهنت على النقل يا سلطان دحيم

صح لسان العلم / غازي بن عون ..

ومشكور على الأختيار والذائقه الموفقه ..

تحيتي
...

صح لسان الشاعر الكبير/ غازي بن عون...

والله يعطيه العافيه ...ولاهنت ياسلطان بن دحيم ..على النقل ..

والله يعافيك...

غاشيه ليلن فاضحه بدر عشريـن==ومن تحت نـور البـدر تفاحتينـي
ونجلن عليهن مثل وصف الهلالين==من شافهـن لازم يبيـح الكنينـي

الله الله
صح لسان غازي
سلطان دحيم مشكور وبيض الله وجهك على النقل الرئع..

المهاجم


صح بدنك وشكرا لك على المرور

محمد العتيبي

شرفتني بمرورك لاهنت

هايل العتيبي



بيض الله وجهك على المرور

ابو نواف


تشرفت بمرورك الف شكر لك

صح لسان شاعرنا غازي بن عون


يعطيك العافيه ياسلطان على ايراد هذه القصيده

شلاش


شكرا لك على المرور