تفكوووون ياعزوتي ( أنا الكم ولا لذيب )

السلام عليكم ورحمة الله وبركاته


مساكـم الله بالخير ’’ وجعل أيامكم في هـناء وسعـاده ...


تفكوون ياذباحه الحايل أنخاكم وانا اعرف انكم اهل الحميه وانها تمشي بعروقكم


ماجيتكم ضعيف و لاجيتكم منكووس راس وانا ولد عتابه ورافع رووسكم فوووق لاجاء طاريكم ...

::: العلم سلامتكم ::: :

أنا موظف في صحـة جازان وتعبت واجد وسط الجوازنـه واتنقل في مستشفياتها كل فتره


من جبـال فيفـا ... الى صامطـه .. وهالحيــن بمحافظه بالدرب ..


شفت التعصب منهم والذل وتعبت وأنا أجاهد فيهم وبيئه الله لايعيشكم فيها


على قولتهم ( أم شرقي ) وش جابكـ عندنـا ... خل العتبــان ينفعووونكـ وينقلوونكـ


وله كله أم هيــاط بس بالإعـــــــــلام ......



تفكوون دبرووني بوزارة الصحــه ترى نقل التمريض سهل حتى المستخدم يقدر عليه


خويياي شمامرة .. انتخوو بربعهم وماكملوو شهرين وأنقلووو لديارهم .....


وانا هالحين الي قرابة السنــة ماخليت احـد ماجيتــه ونخيتــه وكلها وعوود بدوون فعااليه ..





تكفوووون ياربعي تكفوون ياهل الحميــه أنخاكم لاتخيبون ظنــي فيكـم


ومالي غير الله ثــم أنتم أنخاااهـ

ولدكم / فارس المقـاطــي

حياك الله وأن شاء الله الاخوان اللي عندهم معرفه في وزارة الصحه مايقصرون معك أن شاء الله ..

اسأل الله سبحانه وتعالى ان يسر امرك يارب يارب




وانشاء الله يساعدونك اللي قدرون وعندهم معرفه........

ما نخلي ولد عمنا يحتاج واحنا روسنا تشم الهوا أفا عليك ولد عمي ,

أخوي فارس على ماأظن جيزان فيها عتيبة واجد ومسؤولين سواء بالمجاهدين أوالأمارة أوغيرها ولا أعرف وأن شالله ماراح يقصرون معك أرجو أني أفدتك وأسأل الله أن يسر أمورك ويعينك

استقبل رسالتي على بريدك الخاص وأنا أخوك ...

أسأل الله أن يسمح دربك ..

أخي الكريم

السلام عليكم ورحمة الله وبركاته

أولاً الله يسمح دريك والموضوع تراه سهل . ولا فيه تعصب ولا فيه شيء .. بس أنت آخذ الموضوع شوي بحساسية . ولكن سؤالي لك ؟ تقول أنك موظف بالصحة ..
طيب موظف إيه .. أنت على مرتبة ولا على على بند . أرجو التوضيح . وأن شاء الله نحاول لك ولكن حسب وظيفتك ونوعها .
أتمنى لك التوفيق أن شاء الله ويتحقق طلبك .


تحياتي / روقي الجمش .

حسب علمي ان محافظ الدرب عتيبي .
اعتقد ان لة كلمة خاصة انة محافظ المنطقة شد حيلك وسير على الرجال واخبرة بضرفك .

جعلهم لسلال الله يعينك