قصيدة سليمان بن شريم لابنه عبدالعزيز

يامل عين(ن)في محاجيرها شوك=والقلب به عن لذه النوم دكاك
لادك في قلبي من الهم داكوك=جاوبت طربات الحمايم على الراك
عزي لحالك ياعزيز وانا ابوك=كان الزمان اللي وطاني توطاك
تراه ماينفعك خالك ولا اخوك= انكان ماتقضي لزومك بيمناك
ربعك الى بان الخلل فيك عافوك=اقرب قريب(ن) لك من الناس يشناك
ان كثر مالك صدقولك وطاعوك=ون قل مابيديك شانت حلاياك
لو تطلب الما عندهم كان ماسقوك=ابعد مزارك عن وطنهم ومرباك
ون طاب حضك صدقولك وحبوك=ون بار كلن مايبي غير فرقاك
والى اعترضلك من صروف النيا صوك=كلن تبرا منك ماهو بوياك
هراجه المجلس الى جيت وروك=منازل(ن)تطرب نضيرك بدنياك
والى قضوا منك اللوازم وخلوك=تفرقوا وانت احتمل كل ماجاك
كنك اسراج البيت للنور شبوك=والى انقضا اللازم حدا الربع طفاك
والا كما ليمونه الحمض مصوك=والى انقضا منها الطعم فرغوا ذاك
والي يجي من رفقته ريب وشكوك=احذر عنه لياك تصدف بمسراك
والى جفوك اهل الوطن واستخفوك=قلع غريسك منه واهدم ركاياك
تراك لوتنجع على الرجل صعلوك=احسن من اللي تلتجيله وياطاك
وعطهم وظايفهم الى منهم جوك=واغلق ضميرك لاتعلم بقصياك
ان طبت ماحبوك ون عبت زالوك=تمضي حياتك ناقل(ن)داك برداك
واصحى لخلان الرخا لو تعالوك=اعرف ترا اطيبهم الى احتجت يجفاك
كنك خوي امقيط دهووك واغووك=وحقك عطاك ارشاك واقفا وخلاك
واحذر عن العيله ترا الحق مدروك=مثل العمل يدرك مامنه فكاك
وان كان عدوانك على الضيق حدوك=فا خصم طلابتهم بعجفاك واقداك
وان كان هم لمشرف الحق ماشوك=ناظر مطاليع الفرج قبل مبداك
وان طاوعوا شيطان الانفس وهانوك=فاصبر على البلوى ودفنك رزاياك
زرهم تراك الىتوانيت زاروك=اما بديت لصاحب السؤ يبداك
مادامهم ماطاوعولك وعرفوك=اضرب على الكايد الى عمست ارياك
لو هذبوك من المصايب وضدوك=مايذبحونك قبل تدني مناياك
واحلم على الجاهل ترا الحلم مبروك=وقم للضعيف الي من الضيم ينخاك
وادمح خطا جيران بيتك ولو ذوك=ترا القصير وحرمه الجار يحماك
عطهم رواتب حقهم لو تناسوك=في كل مايصلح لدينك ودنياك
وقم للضيوف الي عنولك وضافوك=اغلا كرامتهم حجاجك وبشراك
واعرف ترا مالك من الضيف مشروك=لولاه يطلب حاجته منك ماجاك
وقم للرجال ان رايعولك وحبوك=واحشم خويك واكرمه عندملفاك
والى اعتبرت بسيرة الناس كفوك=ماكثر من شي(ن)تعبك وعناك
ولاتبات بهم دنياك مضنوك=ماطاب لك مادام لك وافتهم ذاك
لو يطلبون اخفايك الناس مخفوك=الرجل مثل النجم في كل الافلاك
وصلاه ربي عد الاوراق والشوك=ما ناض براق(ن) وماهل سفاك
على الذي مافيه ريب(ن) ولاشكوك=محمد<ن> مادك بالقلب دكاك

تسلم

يالثعلي

ويعطيك العافيه على المجهود المثمر

تقبل تحياتي

صح لسانه


وسلمت يا الغالي


قصيدة مليئة بالنصائح والتجارب التي يقف الشخص احترما لصاحبها

صح لسااااانك ولساااااان ابن شريم

وابن شريم علم من اعلام الشعر النبطي في بني زيد و في الجزيرة العربية

الله يعافيك