ياسعود.ابنصحك........؟

ياسعود أبنصحك خلّك للخطر واعي
إيه إنتبه لا يغـرّك ملمـس الحيـه
ياكثرهم موّتوا مـن سـم الأفاعـي
الجلد ناعـم ونـاب الحيـه اذيـه
العام فالعيد كادت تلّـدغ إصباعـي
واموت في حينها وتصيـر عيديـه
وحماني الله بلطفـه والله الراعـي
وإلا تبِين لسمـوم النـاب ماريـه
وكم حاولت في خفوقي لكن اضلاعي
تردها لـو بغـت تجتـاح مخفيـه
ياسعود خابرك شهم ونادر أطباعـي
ولا زلت لكن علامك تجـرح الكيـه
ليه المشاعر تحرك مالهـا داعـي
ياليتها وآصلت فـي حـال منسيـه
ياخوك ماهي صحيحه يقّطع الساعي
وأنا ادري النفس ماموره ومنهيـه
لاشك لاتنّدفع مـع كـل ذعذاعـي
لو هبْ ينقـل معـه رذراذ وسميـه
والهاجس اللي صحى ثم جاك فزّاعي
لاتنخدع فيه لـو كلـه رومانسيـه
هذي نصيحة إمجرب وإشترى باعي
فالسوق فنّد ثمـن هـاذي وهاذيـه
ياسعود جرّبت قبلك كـل الأنواعـي
من وسط محميه أدخل وسط محميه
وياما وياما دعانـي كـل مرباعـي
واخاف ربي واخالف ساعة السيـه
وأخشى يقولون سَلم المرجله ضاعي
لاصرت مأحشم خويي حامي الهيـه
رفيق دربي معي للشمـل جمّاعـي
وشلون أقلل بحقه وأخلـف النيـه
ما ياكل الذيب ذرعانه ولو جاعـي
ولو إن جوعه سطابه دون ماويـه
هذي عوايد عرب بسلومها أسناعي
الطيب والمرجله ميـه علـى ميـه
ياسعود تم الكلام إقره من إبداعـي
بس إنتبه للمعانـي وإذبـح الحيّـه



تقبلو’’’’’’’’’’’’’’’’’’’’’’’’’ مني ارقى التحايا,,,,,,,,,,,, ابو ياسر.

يعطيك العافيه