شمر أهل الرمح والسيف الشطير

السلام عليكم

/

للتواصل ونبذ الفواصل ..!!

WIDTH=1 HEIGHT=1


اضغط هنا .... للحفظ (http://www.naif9122.com/zip/shmrahlrm7.zip)



راكب اللي لامشى كنه أمير=ايتباهى ويتغنّج في فخر

أقصد الفكسار ليش إنه خطير=موترٍ بين المخاليق اشتهر

من قبل قولي تمثّل به مرير=ووصفه فرحان بأبيات وشعر

وارد اليابان صنّاعه خبير=يقطع أميال ومسافات ووعر

في مزاياته وفي شكله مثير=معجزة يابان إبداع وفكر

لمع زيكه كنه السيف الشطير=في يمين الشمري يوم الظفر

يوم يقبل مثل موسى بن نصير=وإن تقفيته عقيدٍ منتصر

أفنس الخشه تكل خشة بعير=عابسٍ وجهه تكل ضابط خفر

أبيضٍ لونه مثل سن الغرير=أو ذكر بطس على ضفّة نهر

كشنه الديباج وأسلاك الحرير=مقعدٍ طبي وتكّاية ظهر

والسيور اللي تدور وتستدير=كن توحاّبه صدى نايف صقر

لانوى الممشى وعزّم بالمسير=وش يسوّي الرنج عنده والهمر

مايدوّر به بدل شخصٍ بصير=ولاقناه إلاّ فطينٍ مقتدر

كل حاجه تستشير ابها شوير=ماعدى الفكسار لو عندك نظر

لنّه المجلوب للدرب العسير=لنّه المطلوب بدروب السفر

مايطقّه كل محتاج وفقير=ولامسح كبوّته الوجه الودر

مركب شيوخ وهوامير ووزير=والضعيّف يفرك ايدينه قهر

لاعطاه القاز سوّاقه يطير=واعتقد لوله جناحاتٍ شهر

نيزكٍ يقطع دياجير وهجير=مثل ماكوك الفضاء يرسل شرر

سايقه حرٍ من ربوعي جدير=من ضنا الهيلا طويلين العمر

انطلاقة رحلته تلعة زرير=ومدرجه حايل وشمّر يابشر

الطنايا فيهم أبياتي تحير=كيف أوصّف مفخرتهم في شطر

شمّر أهل الرمح والسيف الشطير=تقطف أرقاب العدى قطف الثمر

محتمين الدار لاصاح النذير=لابسين الطاس والجوخ الحمر

للمعادي حنظليل وزمهرير=وللموالي يوس فندي وزهر

تكرم العاني وتفزع للقصير=تنصر المضيوم وتدوس الخطر

من زبنهم ينعم ويصبح بخير=ومن تحداهم يبي ينطح صخر

كم عقيدٍ منّهم عوّد كسير=وقام ينطي ربعه دروس وعبر

وياصلاة الله عدد ماطار طير=للرسول اللي فدى الدين ونشر




وسلامتكم

صح السااااااانك يالغالي

ويستاهلون الطنايا
غالين يابعدي شمر

نايف العبيد العتيبي



لله درك على هالقصيدة ويستاهلون شمر المدح


لاعدمنا تواجدك المذهل وصوتك الشجي

يا سلام عليك يا نايف يا سلام

صح لسانك وبيض الله وجهك

و كفو والله عز الله انك شاعر كفو

وتشرّف و تجمّل

و ونعم في شمر ويستاهلون المدح وأكثر

لا عدمنا تواجدك يا نايف

احترامي

والنعم بقبيلة شمر الطنايا


نايف العبيد العتيبي

صح السانك على القصيدة الرائعه

تقبل مروري

صح السانك على القصيدة الرائعه

والطنايا يستلون المدح

عبدالرحمن الهيلوم

/

صح بدنك والله لايهينك
حضورك أسعدني وشرفني

دُمت بود

يستاهلون شمر والله يستاهلون منبع الطيب ومضرب المثل للمرجلة .

صح لسانك يالعتيبي على هذة القصيدة .

يستاهلون الطنايا ان بغيتهم في ذرابة رجال ولافي فزعة , وصح السانك يانايف وبيض الله وجهك.


تحياتي

صـــح لســـانك ياســاحر الشعـــر

وتستاهل شمـــر المدح

وتقبل مروري

ونعم المادح ونعم الممدوح

ونعم والله مليوووووون ولا يكفن في شمر

يوم يقبل مثل موسى بن نصيـر
وإن تقفيتـه عقيـدٍ منتـصـر
أفنس الخشه تكل خشـة بعيـر
عابسٍ وجهه تكل ضابط خفـر
أبيضٍ لونه مثل سـن الغريـر
أو ذكر بطس على ضفّـة نهـر
كشنه الديباج وأسـلاك الحريـر
مقعـدٍ طبـي وتكّايـة ظـهـر
والسيور اللي تـدور وتستديـر
كن توحاّبه صدى نايـف صقـر
لانوى الممشى وعزّم بالمسيـر
وش يسوّي الرنج عنده والهمر
مايدوّر به بدل شخـصٍ بصيـر
ولاقنـاه إلاّ فطـيـنٍ مقـتـدر




ههههههههه



الله الله


صح والله لسااانك

يانايف

على هذه الرااائعه

وشمر يستاهلون
الطيب والله ونعم الرجال.

صح لسانك

تحياااااااااتي