الزلامي وابن جدلان ببيشه

--------------------------------------------------------------------------------
سعد إبن جدلان :

ألا يا مرحبا ترحيبةٍ يبرا لها حمّاي
،،،،،،،،،،،،،، مع كبر البخوت و من عرفنا نكمل حقوقه

أنا بشيل بشتي ثم أحمل عصاي وماي
،،،،،،،،،،،،،، أدور لي بعير مع جمال مدهش الروقه

رشيد الزلامي :

يدوم إلك البقا يا شاعرٍ يمناه مع يمناي
،،،،،،،،،،،،،، تحية من عتيبي سابقه ما هيب مسبوقه

ابن جدلان غاب سنين والليله منينه جاي
،،،،،،،،،،،،،، بغينا نفقده والأرض تحته والسما فوقه

سعد بن جدلان :

أنا الليله بأغني وانت اعرفك ما تحب غناي
،،،،،،،،،،،،،، لكن سوق الغلا ما افوته لاما احتمى سوقه

أنا سقت الركايب ما قلطت إلا على شرواي
،،،،،،،،،،،،،، لكن ما نبيها رحلة قريب وما سوقه

رشيد الزلامي :

أشوف البرق يبرق ويش رأيك يا صليب الرأي
،،،،،،،،،،،،،، عساه يرش كبد من لهيب القيض محروقه

تراني ضيف لونك تخليني على مركاي
،،،،،،،،،،،،،، تحصل شاعر غيري ترى ما عاد لي طوقه

سعد بن جدلان :
يقولون العوارف شرهت البندق على الرماي
وانا ماشيلها وارمي ظريب غير ما ثوقة

أشوف الناس مع خط المصيف الرايحه والجاي
،،،،،،،،،،،،، أحد نام بغمارة موتره واحدٍ بصندوقه

في هذي المحاوره لم يكمل الزلامي ولا ندري ماالسبب ولكن محاوره جميله وقد بدأها ابن جدلان بمعناه الذي دائما يبحثه مع العتبان ..............
تحياتي

هل بيت الشاعر الكبير رشيد الزلامي هذا فيه شيء يالربع وألا يتهيألي ؟ ................

تراني ضيف لونك تخليني على مركاي
،،،،،،،،،،،،،، تحصل شاعر غيري ترى ما عاد لي طوقه

تحذير آخير ... تكرارك لسوء الأدب مع الأعضاء ... والغمز واللمز ... سيتم بسببه شطبك نهائياً ...

(الإداره)

محاوره بين مبدع النظم ومبدع المحاوره

تراني ضيف لونك تخليني على مركاي
تحصل شاعر غيري ترى ما عاد لي طوقه



هههههه


وش جابه في طريق الزلامي


الله يستر علاه



يقول الشيخي مخاطبا ابن جدلان


وش اللي يجيبك في صفوف المصلين=عسى الله يستر لا تجيب المطمة


والقصد واضح

لكن ركزو على بيت ابن جدلان


أشوف الناس مع خط المصيف الرايحه والجاي
،،،،،،،،،،،،، أحد نام بغمارة موتره واحدٍ بصندوقه

والمعنى واضح كذلك

ومهما كان معنى الزلامي لماذا ينسحب ويلعب بعدها مباشره مع شاعر آخر

عموما محاوره رائعة وشعار عمالقه
تحياتي