قصيده عن معظم القبائل الشاعر العتيبي

السلام عليكم ورحمت الله وبركاته





والنعم في عتيبة والنعم في باقي القبائل الاخرى في المنتدى




::::::::::::::::::::::::::::::::::::::::::


سـلام يالحضـار شـبـان وكـبـار
تحيـة تظفـي علـى مـن حضرهـا

اخترت انا من صافي الشعـر الاثمـار
وقطفت مـن زيـن المعانـي ثمرهـا

والشكر كـل الشكـر للنافـع الضـار
محـي العظـام الباليـه فـي حفرهـا

الواحـد المعبـود للـذنـب غـفـار
لـو الذنـوب كبـار لاشـاء غفرهـا

ونشكر هل الذمه مـن كبـار وصغـار
اللـى الياعاهـدو وفـاء ماعقـرهـا

وكـل القبايـل جانـا منهـم انصـار
وعيـب علـى اللـى لابـدا ماذكرهـا

اولآد عطـا عـزوة الضيـف والجـار
عوقت الخصيم اللى طمع فـي ديرهـا

مامنهـم اللـى بعـد ماعاهـدو بـار
رجال وفـوا بالطيـب محـد جبرهـا

وجونا الهواجـر لابتـن كلهـا خيـار
افعالهـم بالطـيـب كــل ذكـرهـا

والمره اللـى للعـداء شـري ومـرار
عدوهـم عيـنـه تـزايـد كـدرهـا

واولاد وائـل طيبهـم مالـه أحـكـار
يثقل علـى العـدوان دايـم ضررهـا

والا الظفير اللـى كمـا شعلـت النـار
لاجاء نهـار الكـون يعـرف ظفرهـا

وشمر هل العـادات عبـده وسنجـار
اوساع الطعـون اللـى بعيـد نظرهـا

وجونا قحطـان منزحـت كـل غـدار
قبيلـة خسـران منـهـو غـدراهـا

ودواسـر بالسـود يرعـون الاقفـار
يـروع الـغـزاي شـوفـت اثـرهـا

وسبعان ذبح الكبـش لضيوفهـم كـار
وافعالهـم بالطيـب محـد حكـرهـا

(((((( وترا بني خالد مضي عنهم ادوار
اميرهم بيض الحباري حجرهـا ))))))

ولانى بناسي زعب يـوم الدخـن ثـار
تسعيـن ليلـه زادهـا مـن وبـرهـا

وبنـي رشيـد مطوعـت كـل جبـار
اقولهـا وعـنـد القبـايـل خبـرهـا

جانـا عداويـن علـى الطيـب ثـوار
رجالهـم درب الصعـب ماعسـرهـا

وحرب العريقه يوم زوغـات الابصـار
غاياتهـم بالهـوش نثـرت حمـرهـا

جانا مـن العجمـان وافيـن الاشبـار
لاجـاء نهـار الكـون تافـي شبرهـا

وامطير حمـران النواظـر هـل الثـار
قبيـلـة يعـتـز منـهـو نحـرهـا

سهول لهـم بالطيـب جـولات كثـار
وعدوهـم عينـه تـزايـد عبـرهـا

وجانا مـن الحضـران حمايـة الـدار
اللـى يجيبـون الـدرر مـن بحرهـا

وحنـا عتيبـه لاعتـز كـل مـغـوار
شيوخنـا ماتتـقـي فــي جبـرهـا

اليا اعتلـوا فرساننـا قـب الامهـار
ياقرد حـظ اللـى يجـي فـي نحرهـا

وكل القبايـل ساهمـت مابـه اجبـار
الهم علـى سعـدون بيـض نشرهـا

وصـف القبايـل كلهـا فيـه بحتـار
الضيق وقتـي قلـت انـا ابختصرهـا

مير اسمحولي ياهـل الطيـب والكـار
وعتيبـه الله ينصـر اللـى نصـرهـا

وصـلاة ربـي عـد ماطايـر طــار
وعـداد نبـت البيـد وعـدة شجرهـا

علـى نبـي بالبشـر راحــم بــار
الا اهـل الشـرك الخبيثـه حشـرهـا








تقبلو تحياتي اخوكم / الصويت البرقاوي

,,

صح لسااااااااااااانه ,

ولا هنت يالغالي,,,

مع احترامي الشديد للكاتب


مثل هذي القصائد لاتودي ولاتجيب

وانا اشوف من يجيبها عار عليه بين الحضور


ياخي لو ذكرت القببائل كلها مستحيل تحصيها فلاتحط نفسك في موقف زي كذا


وبالنسبه للقصيده السابقه وين اهل الجنوب فالقصيده


ولا مايشوفهم شي
ياخي والله ان فيه رجال في الجنوب خوتهم تشرى شرا
وان نفعتهم لك اكثر من نفعة عيال عمك





عموما هذا ماأراه

واكرر احترامي للكاتب

صح لساااااااااااانه